Autopro

Mercedes-AMG GmbH ընկերության պատմությունը սկսվում է հեռավոր 1967թ-ից, երբ Daimler-ի  2 աշխատակիցներ ՝Hans Werner Aufrecht-ն ու  Erhard Melhner-ը ստղեծեցին ՛՛Մրցավազքային մեքենաների համար շարժիչների նախագծման ու փորձարկման բյուրո՛՛: Շատ շուտով նրանք մեծ հաջողությունների հասան:

 Այսօր AMG հապավումը խորհրդանշում է ավտոմոբիլային մաքսիմալ հզորությունը՝ դիզայներական հիանալի լուծմամբ: Եվ այսպես, ինչ է նշանակում AMG հապավումը.  A և M տառերը հիմնադիրների ազգանուններց են վերցվել, իսկ G-ն՝ Aufrecht-ի հայրենի գյուղակի անվանումից (Grossashpah):

AMG կարճ ժամանակում մեծ հաջողությունների հասավ: 1976թ. Affalterbach-ում ստեղծվեց ընկերությունը, որը զբաղվում էր ՛՛մերսեդեսների՛՛ կատարելագործմամբ՝ դրանց վրա ավելի հզոր շարժիչներ և լայն անիվներ տեղադրելով ու թափքն ավելի արտահայտիչ դետալերով ընգծելով: 1999թ. ընկերությունը ստանում է Mercedes-AMG GmbH անվանումը:

Սկսելով որպես տյունինգային ատելյե՝ ընկերությունը կարողացավ վերածվել Mercedes-ի էքսկլուզիվ ու գերհզոր մոդելների արտադրողի: Իրենց գործունեությունը  սկսելով 1967թ, հիմնադիրները 1-ին մեծ հաջողությունը վայելեցին 4 տարի անց. այդ ժամանակահատվածի ամենահզոր սերիական սեդանը՝ Mercedes 300 SEL 6,3-ը, AMG ինժեներների ձեռքում ավելացրեց շարժիչի ծավալը 500 սմ3-ով, իսկ հզորությունը 250 ձիաուժից հասավ 428-ի: Իսկ 300 SEL -ի Ռալլիի համար նախատեսված տարբերակը մասնակցեց 24 ժամանոց մրցավազքի (Spa-Francorchamps ճանապարհի վրա) և իր դասում դարձավ լավագույնը: Դրանցից հետո հայտնվեցին 1-ին երկրպագուները, որոնք ցանկացան ձեռք բերել AMG -ի անհատական շարժիչները՝ վարպետի սրորագրությամբ:

Այս հազարամյակի 1-ին տարում արդեն AMG լոգոտիպով մեքենաների պահանջարկը կազմեց 11 500 միավոր, իսկ հաջորդ տարում՝ 18 700: 2008 թ ամենահաջողն էր AMG -ի համար, վաճառվեց 24 200 սպորտային մեքենա:

AMG սպորտային բազում ձեռքբերումներ է ունեցել: 1980թ. 450 SLC AMG հաղթեց Եվրոպայի ավտոմրցաշարում: 300Е 5,6 AMG -ն դարձավ Е -դասի 1-ին ներկայացուցիչը, որ հաղթահարեց 300 կմ/ժ արագությունը: AMG ընկերության ձեռքբերումներն ու հաջողություններն այսօր էլ շարունակվում են:

1999թ. Mercedes-Benz և  AMG ընկերությունները  ամրապնդեցին իրենց հարաբերությունները ՝ ստեղծելով Mercedes-AMG GmbH ձեռնարկությունը: Մոդելի անվան մեջ այժմ նշվում են Mercedes -ի դասն ու շարժիչի աշխատանքային ծավալի վերաբերյալ թվերը: Ի դեպ, յուրաքանչյուր շարժիչ ամբողջովին հավաքվում է միայն մի մարդու կողմից, ում անվամբ ու ստորագրությամբ հատուկ ցուցանակն էլ երաշխավորում է շարժիչի անթերի աշխատանքը:

AMG մոդելների մոտ միայն շարժիչը չէ, որ  կատարելագործվում է : Այստեղ մշակման են ենթարկվում նաև արգելակները,կախոցը, փոխանցման տուփը, էլեկտրական ու աէրոդինամիկ համակարգերը: Իսկ զուսպ ու բարձրաճաշակ դիզայնի մասին այլ կարծիք չի կարող լինել:

Ի՞նչ է առաջարկում AMG -ն մեր օրերում. 2010թ. արտադրված  SLS AMG  նոր էջ բացեց ավտոմոբիլաշինության պատմության մեջ: Սա Mercedes-AMG GmbH-ի 1-ին ինքնուրույն աշխատանքն էր:  Տեխնիկայի այս հրաշքը ստացավ 6.3 լ աշխատանքային ծավալով շարժիչ, որը հզորությունը հասնում էր 571 ձիաուժի, ալյումինե ընդարձակ կաղապար, 7-աստիճան ավտոմատ փոխանցման տուփ և հզոր կախոց: Սուպերքարին  յուրօրինակ հմայք են հաղորդում լեգենդար 300 SL Gullwing-ին հատուկ թևերը:

Արդեն պատրաստ է և 2013թ. սեպտեմբերին պաշտոնապես կներկայացվի նոր Mercedes-Benz S 63 AMG (2014), բազմաթիվ նորամուծությունների կողքին, որ այստեղ ավելացել են, առանձնակի ուշադրության է արժանի 5,5 լ ծավալով 585 ձիաուժ հզորությամբ շարժիչը:

Լեգենդ դարձած այս ընկերության գործունեությունը շարունակվում է... Սպասենք նորանոր հրաշքների...