|
Ավտոարդյունաբերության պատմության մեջ բազմաթիվ մոդելներ են թողարկվել, բայց դրանցից քչերին էր վիճակված դառնալ իրական լեգենդ ու մնալ պատմության մեջ: Դրա վառ օրինակներից է 1967թ. արտադրված Ford Mustang GT500 Eleanor-ը:Երբեմն պատահում է, որ հայտնվում են այնպիսի ավտոմեքենաներ, որոնք բացի շատ գեղեցիկ ու հարմարավետ լինելը դառնում են մի ամբողջ դարաշրջանի խորհրդանիշ ու մնում պատմության մեջ:
Այդ մեքենաների շարքում իր առանձնահատուկ տեղն ունի 1967թ. արտադրված Ford Mustang GT500 Eleanor-ը: Այն հանդիսանում է անցած դարի 60-ականների այցեքարտը, միայն նրա տեսքից մարդկանց մոտ ստեղծվում է այդ շրջանին բնորոշ տրամադրություն:
Հենրի Ֆորդը անկասկած կհպարտանար ավտոարտադրության այս դասական օրինակով:
1967թ. Ford Mustang Eleanor-ը միլիոնավոր մարդկանց համար ավտոմոբիլային արվեստի գլուխգործոց է: Պատճառն անկասկած ոչ միայն էքստրավագանտ տեսքն է և կատարյալ տեխնիկական պարամետրերը, այլ նաև այն, որ սա տրամադրություն-մեքենա է: Այս հատկանիշը ոչ բոլոր մեքենաներին է բնորոշ:
Այն նախորդներից տարբերվում էր 7.5 սմ-ով ավելացած առաջնային մասով, 7.0 լիտրանոց, 355 ձիաուժ հզորությամբ շարժիչով: 100 կմ/ժ արագության հասնում է 6.5 վրկ-ում, իսկ առավելագույն արագությունը 220 է: Կատարելագործված էին քարշակային ու արգելակման համակարգերը:
Երկար կարելի է քննարկել այն հարցը, թե արդյոք ներկայիս մեքենաշինությունը չի առաջարկում Ford Mustang Eleanor-ին ցուցանիշներով չզիջող մեքենաներ: Դժվար է չհամաձայնելը, իհարկե կան այնպիսիները , որոնք նույնիսկ գերազանցում են այդ ցուցանիշները: Բայց խոսքը ոչ միայն որակի ու տեխնիկական վիճակի մասին է, այլ մի ուրիշ, անբացատրելի բանի... Ինչ-որ միստիկա, խորհրդավոր բան կա այս մեքենայի մեջ, որն էլ ձգում ու ակամայից իր սիրահարն է դարձնում մարդկան:
Հավանաբար Ford Mustang Eleanor-ին տիրանալ են ցանկանում բոլոր ավտոսիրողներն առանց բացառության: 1967թ. արտադրվել է այս մոդելի 356 000 օրինակ: Մեքենան այսօր կարելի է ձեռք բերել 70-350 000 ԱՄՆ դոլարով:
|
Объявления
Сеть автолюбителей
Ford Mustang GT500 Eleanor 1967
