|
Audi Q7 quattro ամենագնացը վաճառքում հայտնվեց 2006թ. մարտին: Մոդելն ավելի քան հաջողված էր և արագորեն մեծ հեղինակություն ձեռք բերեց: Մեքենայի ակնհայտ առավելություններն են թափքի հրաշալի դիզայնն ու ֆենոմենալ հզորությունը: ՛՛Ամենահզոր՛՛ տարբերակի վրա տեղադրված 6.0լ ծավալով շարժիչը 500 ձիաուժ հզորություն է ապահովում (1000Ն/մ): 100 կմ/ժ արագությունը մեքենան հաղթահարում է 5,5 վրկ-ում, իսկ վառելիքի ծախսը 11.3 լ է կազմում 100 կմ-ի համար: Նշենք նաև, որ մեքենան 2,6 տոննա է կշռում:
Տեխնիկական հիանալի ցուցանիշներին ու հոյակապ դիզայնին չի զիջում նաև Audi Q7 quattro ամենագնացի անվտանգությունը: Մոդելի ԱՊՀ երկրների համար նախատեսված տարբերակը լրացուցիչ ապահովությամբ ու ամրությամբ է համալրված, Այն երկարատև փորձարկումներ է անցել շոգի, ցրտի, ավազի և փոշու պայմաններում:
Audi Q7 quattro-ն հագեցած է բոլոր էլեկտրոնային համակարգերով, որոնք գույություն ունեին նրա՝ շուկա դուրս գալու պահին: Այս մեքենան մի քանի անգամ ավելի հարմարավետ ու պրակտիկ է, քան մի շարք այլ հանրահայտ մոդելներ: Բեռնախցիկը 775լ տարողություն ունի, իսկ ետևի նստարանները ծալելու դեպքում ծավալը հասնում է 2035 լիտրի: Մեքենայի մեջ բավական հարմարավետ կտեղավորվեն 7 հոգի:
Այժմ անրադառնանք Audi Q7 quattro-ի թերություններին:
Առաջին հերթին դա մեքենայի բարձր արժեքն է, երկրորդ՝ թանկարժեք տեխնիկական սպասարկումը, և երրորդ՝ վառելիքի ծախսը, թեկուզ պաշտոնապես նշվում է 11.3լ, սակայն ամենայն հավանականությամբ դա այն դեպքում, երբ երեխաներ տեղափոխող ֆլեյգմատիկն է ղեկին: Մնացած բոլոր դեպքերում այդ ցուցանիշը հասնում է 20 լիտրի:
|
Объявления
Сеть автолюбителей
Audi Q7 quattro
