|
Բավարիացիները պաշտոնապես հայտարարել են, որ BMW M3 կուպեի արտադրությունը դադարեցվել է, իսկ M3-ի կաբրիոլետ տարբերակը կհանվի արտադրությունից 2013-ի սեպտեմբերից: Այսուհետ կարտադրվեն միայն սեդաններ, իսկ երկդռնանի ՛՛լիցքավորված՛՛ տարբերակը կստանա BMW M4 անվանումը, որը արտադրության կդրվի հաջորդ տարվանից:
BMW M3-ի վերջին սերունդը հայտնվել է 2007թ., սա մոդելի 4-րդ փոփոխությունն էր: Մինչ այժմ վերջին մոդելի 40 000 օրինակ է արտադրվել, իսկ կաբրիոլետ թափքով՝ 16 000:
Կոնցեռնի ղեկավարությունը միշտ ընդգծել է, որ M3-ը կապվում է ավտոսպորտի հետ: Հենց այս մոդելի վրա են մշտապես փորձարկվել նորամուծությունները, հետո միայն կիրառվել ընկերության մյուս մոդելների վրա: 3-րդ մոդելի համար ստեղծված 420 ձիաուժանոց շարժիչը 5 անգամ տարվա շարժիչ է ճանաչվել 4 լիտրանոց ագրեգատների կատեգորիայում:
Կոնցեռնը պատրաստվում է BMW M3 անվանումով միայն սեդաններ թողարկել, որոնց նոր սերունդը կցուցադրվի այս աշնանը ՝Ֆրանկֆուրտում: Այսեղ 8-գլանային շարժիչը կփոխարինվի 3,0 լիտրանոց 6 գլանայինով, որի հզորությունը 450 ձիաուժի կհասնի:
|
Объявления
Сеть автолюбителей
BMW M3 կուպեի արտադրությունը դադարեցվել է
