|
Chevrolet Camaro-ի 1-ին տարբերակը թողարկվել է 1966թ: Հենց սկզբից այն արտադրվել է 2 տեսակի թափքով՝ կուպե և կաբրիոլետ ու հագեցած է եղել բազմաթիվ օպցիաներով, ունեցել է շարժիչների մի քանի տարբերակ: Այդ ամենի շնորհիվ մոդելը կարճ ժամանակահատվածում մեծ ճանաչում ձեռք բերեց:
Սակայն 2000 թ. սկսած մոդելի նկատմամբ հետաքրքրությունը կտրուկ նվազեց, արտադրողները երկար ժամանակ նոր ուղիներ էին փնտրում նրա երբեմնի փառքը վերականգնելու համար: Ի վերջո, 2006թ. Դետրոյթում ներկայացվեց նոր վերաոճավորված Chevrolet Camaro-ն. արտադրողները հիանալի կերպով էին լուծել իրենց առջև դրված խնդիրը. հիմնովին կատարելագործել ու նորագույն տեխնոլոգիաներով վերափոխել մոդելը՝ պահպանելով նրան հատուկ դասական ոգին:
Chevrolet Camaro 2014-ը առանձնանում է իր խիստ ընդգծված ագրեսիվ տեսքով, ինչը նրան հաղորդում են V-աձև դիմային հատվածը, հզոր անվահեծերը, դիֆֆուզորները դռների մոտ: Կերպարն ամբողջացնում են ետևի լուսարձակները, արտանետման համակարգի խոշոր խողովակները, որոնք տեղադրված են բամպերի վրա և խոշոր 18 և 19 դյույմանոց անվասկավառակները: 2014թ. Chevrolet Camaro-ն կարելի է ձեռք բերել նաև բացվող տանիքով:
Սրահն իր ձևավորմամբ հակասական տեսք է ստացել. մի կողմից պահպանվել է մոդելին բնորոշ դասական գիծը՝ կենտրոնական վահանակի ձևավորումը, եռաթև ղեկանիվը, մյուս կողմից այն ենթարկվել է մի շարք նորամուծությունների՝ ղեկը դարձել է բազմաֆունկցիոնալ, սրահը լուսադիոդային ժամանակակից լուսավորություն է ստացել:
Chevrolet Camaro-ի տեխնիկական ցուցանիշները հիանալի են. մեքենան կառուցված է ետևի քարշակ «GM Zeta» պլատֆորմի վրա, ինչը հիանալի հարմարավետություն է հաղորդում վարելու ընթացքում: Մեքենան առավել կառավարելի դարձնելու համար այն համալրվել է «FE3» իջեցված կախոցով: Արգելակները դիսկային են ՝ առջևից հովացվող:
3,6 լիտր ծավալով V6 շարժիչը 300 ձիաուժ հզորություն է ապահովում, փոխանցման տուփը 6 աստիճան է ՝ ավտոմատ կամ մեխանիկական:
2014թ. Chevrolet Camaro SS -ը առաջարկվում է 6.2 լիտրանոց V6 շարժիչով(400 ձիաուժ): Ապագայում նախատեսվում է թողարկել նաև Z28 և ZL1 գերհզոր մոդիֆիկացիաներով:
Նոր Chevrolet Camaro-ն շուրջ 70 000 դոլար կարժենա:
|
Объявления
Сеть автолюбителей
Նոր Chevrolet Camaro 2014
