|
Audi ընկերությունը ներկայացրել է A8 սեդանի ռեսթայլինգային տարբերակը, որի գլխավոր նորամուծություններն են առավել հզորացած շարժիչն ու առջևի ՛՛մատրիքսային՛՛ լուսարձակները:
Եթե նախկինում բենզինային 3,0լ ծավալով շարժիչը հասնում էր 290 ձիաուժ հզորության, իսկ 4,0 -ը՝ 420 ձիաուժի, ապա այժմ դրանց հզորությունն ավելացել է՝ հասնելով 310 և 435 ձիաուժի համապատասխանաբար: Դիզելային շարժիչներում հզորությունը նույնպես ավելացել է:
Ինչ վերաբերվում է լուսարձակներին, ապա նորացված Audi A8-ը ստացել է matrix լուսարձակներ: Յուրաքանչյուր լուսարձակում 25 լուսադիոդ կա, որոնք 5-ական բաժանված են խմբերի: Ամեն խումբ ունի ոսպնյակով ռեֆլեկտոր և առանձին կառավարվում է ՛՛խելացի՛՛ համակարգչի օգնությամբ:
Մեքենան կարող է ինքնուրույն փոխել լույսի ճառագայթի ուղղությունը, երբ ճանապարհին այլ մեքենաներ է հանդիպում: Բացի այդ, Audi A8-ը կարող է հայտնաբերել և լուսավորել հետիոտներին և ճանապարհային նշանները: Նոր լուսարձակների հաջորդ առավելությունը շրջադարձերի ՛՛դինամիկ՛՛ ցուցիչներն են, որոնք ցույց կտան շրջադարձի ուղղությունը:
|
Announcements
Carfans network
Audi A8՝ matrix լուսարձակներով
