Arsen

Rolls-Royce Motor Cars Ltd ավտոընկերությունը, որ հիմնադրման հենց սկզբից՝ 1904 թ-ից ,  զբաղվում է բացառապես լյուքս դասի մեքենաների թողարկմամբ, հիմնադրվել է առևտրական Չարլզ Ստյուարտ Ռոլսի ու ինժեներ Ֆրեդերիկ Հենրի Ռոյսի կողմից:  Ընկերության լոգոտիպը 2 ՛՛R՛՛ տառերի միաձուլումն է (հիմնադիրների ազգանունների սկզբնատառերը) կարմիր ֆոնի վրա, իսկ ավելի ուշ՝ Ռոյսի մահից հետո, ֆոնը սև դարձավ:

 Նույն 1904թ. Մանչեստրում թողարկվեց Rolls-Royce 1-ին մեքենան,  իսկ մինչև 1906թ. թողարկվեց մոդելների մի ողջ շարք ՝ 12PS, 15PS, 20PS, 30PS, որոնք թե չափերով, թե շարժիչներով բոլորովին տարբեր մեքենաներ էին:

Rolls-Royce մակնիշի լյուքսային մեքենաները շատ արագ նվաճեցին ավտոշուկան: Մակնիշը մեծ հաջողություններ գրանցեց նաև  մրցաշարերում ՝  իրաի հետևից մի շարք հաղթանակներ տանելով: Մինչև 1907թ. այս բրենդի 100 մեքենա էր արտադրվել արդեն:

Rolls-Royce մակնիշին մեծ ճանաչում բերեց  հատկապես "Silver Ghost" մոդելը, որը հայտնի դարձավ ողջ աշխարհում և գովազդվում էր որպես ՛՛աշխարհի լավագույն մեքենա՛՛: Այս մոդելի հաջողությունները շարունակեց Rolls-Royce Phantom I փառահեղ ու թանկարժեք մոդելը, որ վաճառքում հայտնվեց 1925թ.: Արտադրվեց ընդամենը 2212 օրինակ այս մոդելից, սակայն նրա դիզայնը բավական հնաոճ էր , իսկ ղեկը դժվար կառավարելի:  Կատարելագործման արդյունքում ստեղծվեց մոր մոդել ՝  Rolls-Royce Phantom II, որը արտադրության դրվեց 1929թ.:

1949թ.-ից արտադրված մոդելները նոստալգիկ անվանուներ էին ստանում. ՛՛Արծաթե ուրվական՛՛, ՛՛Արծաթե լուսաբաց՛՛,՛՛Արծաթե ամպ՛՛,  իսկ 1965թ. ՛՛Արծաթե ստվեր՛՛:

50-ականներին մակնիշի հեղինակությունն այքան աճեց, որ ընկերությունը դարձավ բրիտանական արքայական ընտաքիքի աշտոնական մատակարարը, որի օրինակին հետևեցին մի շարք այլ արքայական ընտանիքներ:

Վաճառքն ընդլայնելու նպատակով ընկերության ղեկավարությունը որոշ մոդելներ դրեց սերիական արտադրության. 1971թ. կաբրիոլետ Rolls-Royce Corniche, որը մինչև 1995թ. արտադրվեց և 1975թ. Rolls-Royce Camague, որն ամբողջությամբ նախագծվել էր արտասահմանցի դիզայներների կողմից:

1977թ. Rolls-Royce-ը փորձեց վերադառնալ լիմուզինների արտադրությանը. Ժնևի ավտոցուցահանդեսում ներկայացվեց 4 դռնանի Rolls-Royce Silver Wraith II-ը՝ V8 675 ձիաուժ հզորությամբ շարժիչով: Հաջորդը Silver Spirit մոդելն էր, որը կրում էր Cadillac մակնիշի ազդեցությունը: 1996թ. այն նորացման երթարկվեց, նորույթը ստացավ Rolls-Royce SilverDawn անվանումը:

Ընկերության բոլոր ժամանակներում արտադրած մոդելներից ամենազդեցիկն ու հեղինակայինը հանդիսանում է Silver Spur II Touring Limousine մոդելը, որն արտադրվում էր տարեկան ընդամենը 25 օրինակով և իր 300 000 դոլար արժեքով հասանելի էր միայն մեծ կարողության տեր մարդկանց համար:

1998թ. ընկերությունն ընդրկվեց BMW կոնցեռնի կազմի մեջ: Rolls-Royce-ն այսօր էլ շարունակում է յուրօրինակ անվանումներով յուրօրինակ մոդելների թողարկումը: 

2013 թ. մարտին Rolls-Royce-ը Ժնևյան  ցուցադրության ժամանակ ներկայացրեց բոլորովին նոր ֆաստբեք թափքով Wraith մոդելը, որը ընկերության պատմության մեջ ամենաարագ և ամենահզոր մեքենան է հայտարարվել: Այն կառուցված է Ghost սեդան մոդելի կարճեցված պլատֆորմի վրա: 6,6 լիտրանոց V12 twin-turbo շարժիչի հզորությունը հասնում է 624 ձիաուժի, 100կմ/ժ արագության հասնում է 4,6 վրկ-ում: Մեքենան հետաքրքիր ու յուրօրինակ են  դարձնում երկգույն գունավորումն ու հակառակ ուղղությամբ բացվող դռները: Rolls-Royce Wraith-ը Եվրոպայում կարժենա մոտավորապես 250 000 եվրո: