Arsen

Չափազանցված չի լինի , եթե NISSAN GT-R-Ը կոչենք ոչ թե սուպերքար, այլ սուպեր սուպերքար: Մրցարշավային ուղիներն այս ՛՛ճապոնացու՛՛ տարերքն են, բայց նա հիանալի է դսևորում իրեն նաև ընդհանուր օգտագործման ճանապարհներին:

Այս մոդելի թողարկումը սկսվել է 2008 թ-ից և դեռևս երկար ժամանակ կշարունակվի: Այն իսկական հրաշք է, այստեղ ամեն մանրուք լավ մտածված է և ուղղված է մեքենան  առավել կատարյալ դարձնելուն:

Ետևից այն լեգենդար Skyline –նն է հիշեցնում, միայն GT-R –ի լուսարձակներն ավելի կլոր են: Հիանալի սպորտային  տեսք են հաղորդում արտանետման համակարգի 4 խողովակները: Խոշոր սկավառակներն ու ցածր պրոֆիլը ամբողջացնում են հիանալի դիզայնը: Աէրոդինամիկ արտաքին տեսքը, ագրեսիվ ու ատլետիկ թափքը մեքենային մեծ գրավչություն են հաղորդում: Սուպերքարի ամբողջական տեսքն ապահովում է սպոյլերը, որը հսկայական աշխատանք է կատարում:

Ոչ պակաս գեղեցիկ ու ժամանակակից է արված Nissan GT-R –ի ներքին հարդարանքը: Բամաֆունկցիոնալ ղեկը , առաջին հերթին, շատ հարմարավետ է: Սրահը խիստ հագեցած է, կենտրոնական հատվածը օրիգինալ են դարձնում 3 տումբլերները, ինչպես ինքնաթիռում է: GT-R –ը ամենատարբեր օգտակար ֆունկցիաներով է հագեցած, ինչպիսիք են բորտ համակարգիչը, ետևի տեսախցիկը, հիանալի աուդիոհամակարգը՝ 11 բարձրախոսներով, երկգոտի կլիմատ կոնտրոլը, անվտանգության մի շարք համակարգերը, շատ ու շատ այլ համակարգեր, որոնք թվարկելը երկար կտևի: Սրահն արված է բարձրորակ կաշվից ու բնածխից, որոնք մաքսիմալ  հարմարավետություն են ապահովում ուղևորների համար:

Nissan GT-R 2013- հագեցած է V6 տուրբինային ուժային ագրեգատով, որի ծավալը 3.8լ է, 540 ձիաուժ հզորություն է հաղորդում րոպեում 6400 պտույտի դեպքում: Փոխացման տուփը 6 աստիճան ավտոմատ է:

Այս սուպեր սուպերքարի դինամիկայի ցուցանիշներն ուղղակի հիասքանչ են. GT-R-ը 100 կմ/ժ հաղթահարում է 2.8 վրկ-ում, իսկ մաքսիմալ արագությունը 315 է: Ճիշտ է, այս ցուցանիշները հաղթահարած մեքենաներ էլ կան, բայց դա չի խանգարում, որ Nissan GT-R-ը համարվի կատարելության մարմնացում:

Այս հրաշք մեքենան կարելի է ձեռք բերել սկսած 150 000 դոլարից: