Arsen

• Cars (sale)
• Car rental
• Parts (sale)

• Friends
• Garage (my car/s)
• My videos
• My foto albums
• Blog (my posts)
• Forum (my posts)

BMW M-ը կամ BMW Motorsport-ը, որ գերմանական ավտոընկերության  սպորտային հավելվածն է, ժամանակակից BMW-ի պատմության մեջ զգալի դեր է խաղացել՝ մասնակցություն ունենալով մի շարք մոդելների կերտմանը: M-Technic-ը հիմնադրվել  է BMW ավտոընկերության առավել արդյունավետ մասնակցությունը մրցավազքերին ապահովելու նպատակով, ինչը նա հիանալի կերպով իրագործեց:

Քանի որ, հասարակությունը մշտապես ցանկանում էր ձեռք բերել BMW ընկերության սպորտային մեքենաներ ու վարել դրանք ընդհանուր օգտագործման ճանապարհներին, M հավելվածը սկսեց զբաղվել  M-baged ավտոմոբիլների թողարկմամբ: Սրանք սպորտային մեքենաներ էին հասարակության լայն շրջանակների համար՝ համալրված հատուկ սպորտային շարժիչով, կախոցով, աէրոդինամիկ փաթեթներով և բազմաթիվ այլ օպցիաներով:
BMW M սպորտային բաժինը հիմնադրվել է 1972թ. և ի սկզբանե բաղկացած էր 8 հոգուց: Նրանց 1-ին աշխատանքը BMW 3.0 CSL_ն էր, որ աննախադեպ հաջողություն բերեց նորաստեղծ բաժնին, սակայն այն պաշտոնապես չէր կրում M ինդեքսը:

          
1-ին մեքենան, որ պաշտոնապես կրեց հզորություն խորհրդանշող այդ M-ը իր անվան մեջ, դարձավ լեգենդար BMW M1-ը, որ ներկայացվեց Փարիզի ավտոցուցահանդեսում 1978թ: Այն  նախատեսված էր բացառապես մրցավազքերի համար:

          
BMW M535i-ը բոլորովին նոր փուլ էր M-ի զարգացման ճանապարհին: Սա 1-ին սեդանն էր՝ մրցավազքային բոլիդին բնորոշ բոլոր գծերով: Այսուհետ BMW M մոդելները դարձան ճանապարհների արքաները, իսկ բաժնի նշանաբանը դարձավ ՛՛ M- ամենահզոր տառն աշխարհում՛՛:

          
1986թ. թողարկված BMW M3 E30-ը, որ մրցավազքերի արքա էր հռչակվել, դարձավ BMW Motorsport-ի խորհրդանիշը: 
1988թ., երբ բաժնի աշխատողների թիվը 400-ի էր հասել, նրանք համար առանձին գործարան կառուցվեց Մյունխենի մոտակայքում:

          
1992թ. BMW M-ը պատրաստեց McLaren F1-ի համար V12 մթնոլորտային շարժիչը : Motorsport-ը շարժիչներ  էր պատրաստում նաև առանձին մրցավազքային թիմերի համար:
Այսօր BMW M ընկերությունը զբաղվում է BMW-ի բոլոր մոդելների սպորտային տարբերակների արտադրությամբ՝ բացառությամբ, X1, X3 և 7-րդ սերիայի մոդելների: Վերջինիս սպորտային տարբերակը թողարկվում է Alpina B7ապրանքանիշով: Վերջերս M Power-ի գործունեության շրջանակներում հայտնվեցին X5 M, X6 M, 1M մոդելները, իսկ մի քանի օր առաջ ինտերնետում հայտնվեցին M2 նոր մոդելի լուսանկարները, որի պաշտոնական ցուցադրությունը կկայանա 2013թ. սեպտեմբերին Ֆրանկֆուրտում:

           
BMW M-ի հիմանական մրցակիցը բոլոր ժամանակներում համարվել է Mercedes AMG-ն, սակայն պետք է նշել , որ դրանք խիստ տարբեր են իրենց փիլիսոփայությամբ ու գործելակերպով:
Բավական է նշել միայն այն, որ M-ը իր մեքենաները մշտապես պատրաստել է մեխանիկական կամ կիսաավտոմատ փոխանցման տուփերով( բացառությամբ X5, X6 մոդելների), իսկ AMG-ն ավտոմատ փոխանցման տուփեր է տեղադրել իր մեքենաների վրա:

Շատ կարևոր է տարբերակել BMW M բաժնի արտադրած և ուղղակի M-փաթեթը կրող մեքենաները: Օրինակ 530i M և BMW M5, սրանք տարբեր բաներ են, բացառություն են միայն X և Z մոդելները, որտեղ M տառը գալիս է մոդելային տառից հետո՝ BMW X5 M: M-փաթեթը կրող մեքենաները չեն հանդիսանում BMW Motorsport -ի արտադրանք, դրանք ուղղակի BMW M-ի սպորտային դիզայնի որոշ տարրեր են կրում: Սերիական BMW-ն BMW M -ից տարբերելու համար բավական է արագաչափին նայելը: Բացի այդ շարժիչից նույնպես կարելի է հասկանալ տարբերությունը. Motorsport -ի արտադրանքը նշվում է S տառով, իսկ սերիական մոդելներինը՝ M տառով:

          
BMW M-ի լեգենդար լոգոտիպում պատկերված M տառը նշանակում է Motorsport, 3 գույներից կապույտը Բավարիայի դրոշի ու գերբի գույնն է, կարմիրը ՝ Texaco նավթային ընկերության խորհրանշական գույնը, որը 70-ականներին BMW-ի մրցավազքային ծրագրի հովանավորն էր, իսկ մեջտեղում այդ երկուսի միաձուլումը: