BMW -ն տեղեկություններ է հրապարակել իր հերթական հիբրիդի X5 eDrive մոդելի վերաբերյալ, որը մեծագույն ձեռքբերում է էկոլոգիայի բնագավառում: Վերջին սերնդի X5-ի հիմքի վրա հավաքված մոդելը կատարելագործված հիբրիդ է՝ կենցաղային էներգոաղբյուրից լիցքավորման հնարավորությամբ:
X5 eDrive մոդելը մի քանի քայլով առաջ է անցել իր նախորդներից: Եթե բավարիական ընկերության նախորդ հիբրիդների դեպքում էլեկտրոշարժիչը ոչ մեծ օգնություն էր հանդիսանում հզոր բենզինային շարժիչի համար, ապա այժմ իրավիճակը բոլորովին այլ է: Այս հիբրիդի դեպքում 70 կվտ հզորությամբ էլեկտրոշարժիչը 95 ձիաուժ է ապահովում: Նորույթը հնարավորություն ունի միայն մարտկոցներով 30 կմ ընթանալ, ընդ որում 120 կմ/ժ արագությամբ:
Մեքենան կհամալրվի 4-գլանային բենզինային հզոր ագրեգատով, որի տվյալները սակայն հայտնի չեն և կհրապարակվեն Ֆրանկֆուրտում՝ պրեմիերայի ժամանակ:
BMW X5 eDrive մոդելի վառելիքի ծախսը նվազագույնի է հասցված՝ 3,8լ 100 կմ-ի համար: