Toyota-ն հրապարակել է Yaris Hybrid-R կոնցեպտի պաշտոնական լուսանկարը: Երեքդռնանի կոմպակտ հեչբեքը բարձր մրցավազքային տեխնոլոգիաները իրական կյանք ներքաշելու գործընթացի հիանալի արդյունքն է: Ընկերության հավաստիացմամբ այդ ամենը մեզ կներկայանա մոտ ապագայում ՝ Toyota GT86 մոդելի տեսքով:
Գլխավոր ՛՛դոնորը՛՛ հանդիսանում է լեմանյան Toyota TS030 Hybrid-ը: Նրանից կոմպակտ, բայց մարտական կոնցեպտը ստացել է արգելակման էներգիայի վերականգնման համակարգը, երբ էներգիան պահեստավորվում է՝ անհրաժեշտ պահին հզորությունը ավելացնելու համար: Ճապոնացիները պնդում են, որ շուտով այս տեխնոգոլիան կօգտագործեն սովորական մեքենաների համար:
Հիանալի են Yaris Hybrid-R-ի տեխնիկական ցուցանիշները: 1,6 լիտրանոց Global Race Engine բենզինային և 2 էլեկտրոշարժիչների համադրումը 400 ձիաուժ հզորություն են հաղորդում կոնցեպտին, որն, ի դեպ, լիաքարշակ է:
Այն դեռևս սերիական արտադրության չի դրվի, սակայն Toyota-ն խոստացել է մինչև տարեվերջ 16 կատարելագործված հիբրիդ ներկայացնել: Մոդելի մեծածավալ արտադրությունը կսկսվի 2015թ-ին:
