Tesla-ն առաջարկում է հասարակական տրանսպորտ` 1200 կմ/ժ արագությամբ
Tesla ընկերության հիմնադիր Elon Musk-ը մի գաղափար է առաջ քաշել, որն 1-ին հայացքից ուտոպիական է թվում: Ինժեներն առաջարկում է ստեղծել հասարակական տրանսպորտի մի միջոց, որը ձայնի արագությամբ կընթանա քաղաքից քաղաք, իսկ տոմսի արժեքը չի գերազանցի սովորական ավիատոմսի գինը: Գաղափարը, ճիշտ է, ֆուտուրիստական է, սակայն հեղինակը համարձակորեն է խոսում դրա մասին ու այն արդեն ներկայացրել է հանրության դատին: Ամերիկացու հաշվարկով նման նախագիծը իրականություն դարձնելու համար ամենաքիչը 7 տարի կպահանջվի:
Ըստ նախագծի, Hyperloop գերձայնային տրանսպորտային միջոցը կլինի պարկուճների տեսքով (капсулы), որոնք մեծ արագությամբ կընթանան վաակումային թունելներում արևային մարտկոցներով:
Նախագծի հիմքի համար գետնի տակ կստեղծվեն հատուկ էլէկտրոմագնիսային խողովակներ կամ թունելներ: Նպատակահարմար կլինի այս տեխնիկան օգտագործել ոչ պակաս, քան 1500 կմ տարածք անցնելու համար: Տրանսպորտային այս միջոցը չափազանց մեծ արագություն ու անվտանգություն է խոստանում, նույնիսկ երկրաշարժի դեպքում նրան վտանգ չի սպառնում, քանի որ թունելները ամրացվելու են հատուկ հենարաններով, որոնք այժմ օգտագործվում են ԱՄՆ-ի սեյսմիկ հատվածներում:
Hyperloop-ի արագությունը կհասնի 1280 կմ/ժ-ի: 4.5 հազար կմ անցնելու համար կպահանջվի 45 րոպե և կարժենա մոտ 100 դոլար: Նշվում է նաև, որ նման տրասպորտային միջոցով ողջ երկրագունդը կարելի է անցնել 6 ժամում:
Այլ նորություններ
|
Վիդեո
|
