Mercedes-Benz GLA պաշտոնապես բացահայտված է
Daimler ընկերությունը պաշտոնական տեղեկություն ու լուսանկարներ է ներկայացրել Mercedes-Benz GLA սերիական կոմպակտ կրոսովերի վերաբերյալ: Նորույթը նախատեսվում է դարձյալ ներկայացնել Ֆրանկֆուրտում` սեպտեմբերի սկզբին:
Սերիական Mercedes-Benz GLA-ի չափերն են 4417 х 1804 х 1494, բեռնախցիկի ծավալը կազմում է 421լ, իսկ ետևի նստարանները ծալելու դեպքում` 836:
Սկզբում Mercedes-ի այս նոր մոդելը հասանելի կլինի և բենզինային և դիզելային շարժիչներով, բենզինային շարքը կներառի 1.6լ 156 ձիաուժ հզորությամբ և 2.0 լ 211 ձիաուժանոց շարժիչներ, իսկ դիզելայինը` 2.2լ 136 և 170 ձիաուժ հզորությամբ շարժիչներ: Ագրեգատներն աշխատում են 6 աստիճան մեխանիկական և 7 աստիճան ավտոմատ փոխանցման տուփերի հետ:
Ամենահզոր բենզինային շարժիչը` 2.0լ ծավալով, 100 կմ/ժ արագության հասնում է 6.5 վայրկյանում, իսկ մաքսիմալ արագությունը 235 կմ/ժ է:
Mercedes-Benz GLA մոդելը հագեցած է բազմաթիվ համակարգերով, որոնք մաքսիմալ հարմարավետ ու առավել ցանկալի են դարձնում մեքենան:
Մոդելի արժեքի մասին ընկերությունը դեռևս տեղեկություն չի հայտնում, իսկ պատվերներ կսկսեն ընդունել 2013-ի նոյեմբերից:
Այլ նորություններ
|
Վիդեո
|
