ԱՄՆ-ում հայտնի են դարձել տարվա լավագույն մեքենաները
Կազմվել է ամերիկացի վարորդների տեսակետից ամենագրավիչ մեքենաների ցուցակը: Համապատասխան ուսումնասիրություններն անց է կացրել J.D. Power and Associates վերլուծական կազմակերպությունը, հարցումներին մասնակցել է նոր մեքենա գնած 83 000 մարդ: Իրենց մեքենաները 3 ամիս շահագործելուց հետո մասնակից վարորդներին խնդրել են գնահատել դրանք 77 պարամետրերով, այդ թվում դիզայնը, հարմարավետությունը, գինը, որակը, սպասարկման արժեքը և այլն: Ըստ ստացված տեղեկությունների, մակնիշները գնահատվել են 0-ից 1000 միավորով:
Պարզվել է, որ 2013թ. իրենց մեքենաներից առավել գոհ են Porsche-ի վարորդները: Այս մակնիշը 884 միավոր է հավաքել 1000 հնարավորից: 2-րդ տեղում են գերմանական 2 մակնիշներ՝ Audi и BMW, որոնք 857 և 854 միավոր են ստացել, այնուհետև Land Rover-ը և Lexus-ն են՝ 853 և 847 միավորով:
Հետաքրքիր է, որ ոչ մի ամերիկյան բրենդ լավագույն հնգյակի մեջ չի մտել: Ամենաբարձր միավորը ամերիկյան ավտոընկերությունների մեջ Cadillac-ն է ստացել՝ 841 և հայտնվել է 7-րդ տեղում:
Բացի դրանից, փորձագետները հայտարարել են նաև իրենց դասում լավագույն մոդելները: Այդ շարքում են հայտնվել Fiat 500, Chevrolet Sonic (Aveo), Chevrolet Volt, Volkswagen Golf GTI, Lincoln MKZ, Porsche Boxster, Volkswagen Passat, Ford Mustang, BMW 5-й серии, Mercedes-Benz SL, Dodge Charger, Lexus LS, Buick Encore, Mazda CX-5, Audi Allroad, Kia Soul, Nissan Murano, Porsche Cayenne, Honda Odyssey, Nissan Armada, Chevrolet Avalanche և Ford F250/350.
Այլ նորություններ
|
Վիդեո
|
