Bentley ամենագնացի թողարկումը հաստատվել է պաշտոնապես
Երբ մարտ ամսին Ժնևյան ավտոսրահում ներկայացվեց Bentley ամենագնացի նախատիպը, շատերն էին կասկածում, որ այն սերիական արտադրության կհասնի: Սակայն, ի զարմանս նրանց, օրերս բրիտանական ավտոընկերության ղեկավարությունը պաշտոնական հայտարարություն արեց իր պատմության մեջ 1-ին ամենագնացի թողարկման աշխատանքները սկսելու մասին: Նոր մոդելը նախատեսվում է շուկա հանել 2016թ.:
Ամենագնացի արտադրությունը Bentley ընկերությունից 930 000 000 եվրոյի ներդրում կպահանջի, ինչն էլ ընկերությունը պատրաստվում է անել առաջիկա 3 տարիների ընթացքում:
Ցավոք, ամենագնացի մասին Bentley -ն մանրամասն տեղեկություններ չի տարածել՝ սահմանափակվելով միայն այն հայտարարությամբ, որ այս մոդելը դառնալու է ամենահզոր ու շքեղ SUV-ը ողջ ավտոշուկայում:
Շքեղագույն ամենագնացի համար արդեն շուրջ 2000 պատվեր է ստացվել: Նախատեսվում է տարեկան արտադրական ծավալը հասցնել 3000-4000 օրինակի, սպառումը հիմնականում կիրականացվի ԱՄՆ-ում, Չինաստանում, Մերձավոր Արևելքում և Ռուսաստանում: Մոտավոր արժեքը կկազմի 200 000 դոլար:
Bentley ամենագնացի նախատիպը EXP 9 F կոնցեպտն է, որի լուսանկարները ներկայացնում ենք ստորև.
Այլ նորություններ
|
Վիդեո
|
