BMW X6 Design Edition
Վերջին շրջանում ավտոաշխարհի ամենասպասված նորությունները նոր BMW X6-ի հետ են կապվում: Եվ այսպես, որոշ տեղեկություններ են հայտնի դարձել մոդելի Design Edition կատարման մասին:
BMW X6 Design Edition-ը, որի վաճառքը կսկսվի օգոստոսին, տարբերվում է թափքի սպիտակ գույնով՝ ընդգծված BMW Motorsport-ին հատուկ երեք գույներով (կարմիր, մուգ կապույտ և երկնագույն): Մոդելին յուրահատկություն են հաղորդում նաև առջևի կարբոնային սպլիտերը, 21 դյույմանոց անվահեծերը, սևով արված արտաքին որոշ դետալները, 5-րդ դռան սպոյլերը:
Երկտոն գունային լուծմամբ հիանալի տեսք ունի սրահը: Խոսքը վերաբերվում է կենտրոնական վահանակին, որի վրա հատուկ ցուցանակ կա, որտեղ մեքենայի հերթական համարն է նշվում:
X6-ը այս դիզայնով 100 օրինակով է արտադրվելու, այսինքն BMW X6 Design Edition-ը խիստ էքսկլյուզիվ մեքենա է լինելու:
Տեխնիկական մասի վերաբերյալ դեռևս տեղեկություններ չկան, հայտնի է, որ մեքենան կստանա 4.4 լիտր ծավալով բենզինային V8 շարժիչ՝ 555 ձիաուժ հզորությամբ:
Այլ նորություններ
|
Վիդեո
|
