Նոր Hyundai Genesis-ը կցուցադրվի հունվարին
Հունվարին Դետրոյթում կայանալիք ցուցահանդեսում կներկայացվի Hyundai HCD-14 կոնցեպտը, որը հանդիսանում է Hyundai Genesis սեդանի նոր սերնդի ներկայացուցիչը: Կորեացիները նախատեսում են 1 տարվա ընթացքում սկսել սեդանի սերիական թողարկումը, որը առաջին անգամ լիաքարշակ տարբերակով կլինի:
Hyundai ընկերությունը Genesis-ը ներկայացնում է որպես լուրջ մրցակից BMW և Mercedes-Benz-ի պրեմիում-դասի մոդելներին: Եվրոպական ավտոարտադրողներից ետ չմնալու հանգամանքով է պայմանավորված նաև մոդելը լիաքարշակ համակարգով համալրելը: Չի բացառվում նաև, որ այն բոլորովին նոր պլատֆորմի վրա կկառուցվի:
Նորույթի մասին տեխնիկական մանրամասն տեղեկություններ դեռևս չեն տարածվել, սակայն հայտնի է, որ սեդանը կհամալրվի 6 և 8 գլանային շարժիչներով: 3,8 լ ծավալով V6 -ը 333 ձիաուժ հզորություն կապահովի, իսկ 5,0 լիտրանոց V8-ը՝429 ձիաուժ: Արտադրողը հրաժարվել է Genesis-ի հիբրիդային տարբերակից:
Այլ նորություններ
|
