 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
|
Աշխարհի ամենացանկալի մեքենան. Range Rover Sport 2014Land Rover-ի լյուքսային ամենագնացների սիրահարներին, որոնք մոդելային շարքի առաջատար Range Rover-ը չափից դուրս խոշոր, իսկ Evoque-ը , հակառակը, շատ փոքր են համարում, այժմ հիանալի տարբերակ է առաջարկվում: Բրիտանական ավտոընկերությունը Նյու-Յորքյան ավտոշոուի շրջանակներում ներկայացրեց Range Rover Sport-ի 2-րդ սերունդը: Առավել կոմպակտ ու սպորտային տարբերակը վաճառքում կհայտնվի այս տարվա օգոստոսին:
Այն պատրաստվել է Range Rover-ի հիմքի վրա և նույն տեխնոլոգիաներով: Սակայն նշենք, որ Range Rover Sport-ի դետալների 75%-ը օրիգինալ է: Նրա թափքն ամբողջությամբ ալյումինից է արված, որն էլ 420 կգ-ով (39%) նվազեցրել է մեքենայի քաշը: Այն նախորդ մոդելից ավելի երկար է 62 սմ-ով և ավելի լայն 55 սմ-ով, 18 սմ-ով մեծացել է անիվային բազան: Ավելացել է նստատեղերի 3-րդ շարքը, ինչը համալրում է մեքենայի առավելությունների շարքը:
Range Rover Sport-ը վաճառքի պահին կառաջարկվի 2 շարժիներով՝ 5.0լ տարողությամբ V8 կոմպրեսոր (510 ձիաուժ) և 3.0լ SDV6 տուրբոդիզել (292 ձիաուժ): 2014թ. սկզբին կհայտնվեն ևս 2 շարժիչ՝ 3.0 և 4.4 լիտրանոց՝ համապատասխանաբար 258 և 339 ձիաուժ հզորությամբ: Բացի այդ հաջորդ տարի սպասվում է նաև հիբրիդային տարբերակը՝ էլեկտրոդիզելային ուժային ագրեգատով: Բոլոր մոդիֆիկացիաները կհամալրվեն 8-աստիճան ավտոմատ ZF փոխանցման տուփերով:
Նոր Range Rover Sport-ը հագեցել է մի շարք նոր համակարգերով, ինչպիսիք են HUD պրոեկցիոն դիսփլեյը, մեքենան նույն գոտում պահելու համակարգը, ճանապարհային նշանների ճանաչման համակարգը և ավտոմատ հեռահար լույսը: Այս մեքենան հագեցած է նաև Wade Sensing ինչ-որ տեղ անօգուտ թվացող մի համակարգով, որը ջրային վայրերով անցնելիս որոշում է ծանծաղուտի խորությունը:
Ամենագնացի ամերիկյան գնացուցակն արդեն պատրաստ է. 3,0լ դիզելային տարբերակը 63 500 դոլար կարժենա, իսկ 5,0լ մաքսիմալ հագեցած Range Rover Sport Autobiography՝ 93 300 դոլար:
15.07.2013
Այլ նորություններ |
Վիդեո
|
|
.jpg)
