BMW_ն հետ է կանչում 2007-2010թթ. արտադրված որոշ X5 ամենագնացներ
Մասնագետները որոշ անսարքություններ են հայտնաբերել գերմանական նշանավոր ավտոմեքենաներից մեկի՝ X5 ամենագնացի արգելակման համակարգում, որոնք կարող են վտանգավոր լինել մեքենայի շահագործման համար: Դրա հետ կապված, գերմանական ավտոընկերությունը որոշել է հետ կանչել 2007-2010թթ. արտադրված որոշ X5 ամենագնացներ:
Խնդիրը կայանում է նրանում, որ վակուումային պոմպի խողովակից կարող է որոշ քանակության յուղի կորուստ լինել, ինչն էլ արգելակման ժամանակ կարող է հանգեցնել արգելակման հատվածի մեծացմանը:
Քանի որ, այս ամենը կարող է մեծացնել վթարային իրավիճակների հնարավորությունը, BMW-ն որոշել է վերադարձնել 30 265 X5 մոդելի ամենագնաց: Դիլլերներին հանձնարարվել է կարճ ժամանակահատվածում վերացնել անսարքությունը՝բոլորովին անվճար փոխելով կանչված մեքենաների վակուումային պոմպերը:
Ի դեպ, այս խնդիրը նկատվել է այն X5 մեքենաների մոտ, որոնք գերմանական գործարանից դուրս են եկել 2006թ-ի սեպտեմբերի 12-ից մինչև 2010թ-ի մարտի 18-ը:
Այլ նորություններ
|
Վիդեո
|
