Volkswagen-ը վառելիքի նվազագույն ծախս արձանագրած XL1 մոդելը կվերածի սպորտքարի
Լուրեր են պտտվում այն մասին, որ գերմանական ավտոընկերությունը պատրաստվում է ամենատնտեսող ավտոմեքենայի կոչումը վայելող XL1 մոդելի նոր մոդիֆիկացիայի թողարկմանը: XL1-ի արտադրությունը, ի դեպ, մի քանի ամիս առաջ է սկսվել:
Նոր մոդելը, որի վրա սկսել են աշխատել Volkswagen-ի ինժեներները, կլինի ավելի լայն, երկար ու նոր շարժիչ կստանա: Ամենայն հավանականությամբ այն կստանա XR1 ինդեքսը:
Այժմ XL1-ի վրա տեղադրված են դիզելային և էլեկտրական շարժիչներ, XR1-ը նշված ագրեգատները չի ստանա: Նորույթի վրա կտեղադրվի 2լիտրանոց տուրբո ուժային ագրեգատը, որը վերցված է VW Golf GTI-ից: Այն 220-230 ձիաուժ հզորություն է ապահովում:
Էլեկտրոշարժիչից ազատվելու շնորհիվ Volkswagen XR1-ը թեթևացել է շուրջ 100 կգ-ով: Թեթև թափքի ու հզոր շարժիչի համադրության շնորհիվ այն ընկերության արտադրած ամենաարագ մոդելը դառնալու միտում ունի: Սպասվում է, որ 100 կմ/ժ արագության սահմանը մեքենան կհաղթահարի 4,6 վրկ-ում:
Այսօր կոնցեռնի ամենաարագ մոդելը համարվող լիաքարշակ Golf R-ը այդ սահմանը հատում է 5,7 վրկ-ում:
Այլ նորություններ
|
Վիդեո
|
