Որոնք են լավագույն մեքենաները կանանց համար
Հայտնի են դարձել ՛՛ Տարվա լավագույն կանացի ավտոմեքենա՛՛ մրցույթի հաղթողները: Այս տարի ժյուրին, որի կազմում 12 երկրներից կին ավտոլրագրողներ են, կանանց համար լավագույն մեքենա է ճանաչել Ford Fiesta հեչբեքը՝ 1 լ ծավալով EcoBoost բենզինային շարժիչով: Ford Fiesta -ն լավագույնն է ճանաչվել նաև ՛՛Ամենատնտեսող ավտոմեքենա՛՛ անվանակարգում՝ առաջ անցնելով Kia Cerato և Toyota Prius-ից:
՛՛Լավագույն կրոսսովեր՛՛ անվանակարգում հաղթող է ճանաչվել Mazda CX-5-ը: 2-րդ տեղում է Hyundai Santa Fe, 3-րդ՝ Nissan Pathfinder -ը:
Կանանց համար նախատեսված այս տարվա լավագույն ընտանեկան մեքենան ճանաչվել է Audi Allroad-ը, որն առաջ է անցել Volkswagen Golf և 3-րդ սերիայի BMW մեքենաներից:
Porsche Boxster S-ը համարվել է լավագույն սպորտքարը գեղեցիկ սեռի ներկայացուցիչների համար: 2-րդ և 3-րդ տեղերը զբաղեցրել են Audi RS 5 և Toyota GT86/Subaru BRZ.
՛՛Լյուքս դասի լավագույն ավտոմեքենա՛՛ է ճանաչվել վերջին սերնդի Range Rover-ը: 2-րդ և 3-րդ տեղերը բաժին են ընկել Mercedes-Benz SL 550 և BMW 6-series մոդելներին:
Իսկ ՛՛ Կանանց երազանքների ավտոմեքենա ՛՛ տիտղոսը ստացել է Aston Martin Vanquish հրաշք մեքենան:
Ի դեպ, որոշումներ ընդունելու գործում մի շարք կարևոր չափորոշիչներ են հաշվի առնվել, ինչպիսիք են տարողունակությունը, հարմարավետությունը երեխաներին տեղափոխելու հարցում, կառավարելիությունը և, իհարկե, արտաքին գրավչությունը:
Այլ նորություններ
|
