Միլիոն կմ անցած Skoda Fabia-ն ռեկորդ է սահմանել
Գերմանացի Պետեր Կիրխոֆֆը նոր ռեկորդ է սահմանել՝ 2000թ. արտադրության իր Skoda Fabia-ով անցնելով ամբողջ 1 մլն կմ:
1.9 լ ծավալով 101ձիաուժ հզորությամբ TDI շարժիչով հագեցած իր մեքենան Կիրխոֆֆը ձեռք է բերել 2000թ., այդ պահին վազքի ցուցիչը 11 կմ է ցույց տվել: Այդ օրվանից սեփականատերը պարբերաբար վերանորոգման է տարել մեքենան նույն սպասարկման կետում:
2007թ. հուլիսին մեքենայի վազքը 500 000 կմ է եղել, իսկ այս ամառ այն ռեկորդ սահմանեց, ընդ որում, Կիրխոֆֆը գերմանական ճշգրտությամբ իր ուղին դեպի Skoda թանգարան այնպես էր պլանավորել, որ 999 999 թիվը ցուցիչի վրա հայտնվի հենց այնտեղ:
Չմոռանանք նշել, որ ռեկորդակիր Skoda Fabia-ն անթերի վիճակում է գտնվում, շարժիչը, արտանետման համակարգը, կռվանն ու փոխանցման տուփը օրիգինալ են ու չեն փոխել մեքենայի՝ գործարանից դուրս գալուց հետո: Այս ցուցանիշը մեքենայի պարբերաբար սպասարկման արդյունքն է:
Գերմանացին հայտնում է, որ չի պատրաստվում հրաժարվել իր սիրելի մեքենայից, որի հետ ՛՛երկար ճանապարհ՛՛ է անցել: Միայն այն ժամանակ , երբ կթողարկվի Skoda Fabia-ի 3-րդ սերնդի մոդելը, նա կհանձնի իր մեքենան թանգարանին:
Այլ նորություններ
|
Վիդեո
|
