Նոր Mini -ի առաջին լուսանկարները
Ֆոտոլրագրողներին հաջողվել է լուսանկարել 3-րդ սերնի Mini հեչբեքը, որի պաշտոնական ցուցադրությունը կայանալու է այս տարվա աշնանը՝ ֆրանկֆուրտյան ավտոցուցահանդեսում:
Լուսանկարներից երևում է, որ մեքենայի դիմային հատվածը բավական փոփոխված է: Mini հեչբեքը նոր լուսա-դիոդային լուսարձակներ է ստացել, փոխվել են բամպերն ու ռադիատորային ցանցը, ինչպես նաև դիմային ապակին, որով էլ նոր Mini-ն նմանվել է 2011թ. ներկայացված Mini Rocketman կոնցեպտին:
Ինտերիերի վերաբերյալ տեղեկություններ չկան, բայց եղած լուսանկարներից կարելի է ենթադրել, որ կենտրոնական հատվածը գրեթե նույնն է մնացել, փոխվել է միայն արագաչափի տեղը:
Ինչպես ավելի վաղ հայտնում էին BMW-ի ներկայացուցիչները, նոր Mini -ն հագեցած կլինի 1,5 լ 3-գլանային բենզինային և դիզելային շարժիչներով: Ամենահզոր շարժիչի առավելագույն հզորությունը 200 ձիաուժ կլինի: Արտադրողները չեն բացառում, որ հետագայում հնարավոր է մինչև 300 ձիաուժ հզորությամբ մոդելների թողարկումը:
Այլ նորություններ
|
Վիդեո
|
