Բացահայտվել է BMW i3 էլեկտրոքարի գաղտնիքը
Բավարիացիների կողմից պատրաստվող էլէկտրոքարի պատենտային լուսանկարները հայտնվել են համացանցում: Դրանցում երևում է, որ արտադրողները որոշել են i3-ի սերիական տարբերակը մաքսիմալ մոտ անել կոնցեպտին, որ ներկայացվել է դեռևս 2011թ. Ֆրանկֆուրտում:
Սերիական տարբերակում դռների թափանցիկ վահանակները բացակայում են: Դռների դիրքը նույնպես փոխվել է. առջևի դռներն ավելի հետ են տեղափոխվել, իսկ ետևինները փոքրացել են: Բացի այդ, այս տարբերակում բոլոր լուսարձակներն ու հայելիներն ավելի ներքև են տեղադրված, քան կոնցեպտում էր:
.png)
BMW-ն մտադիր է i3-ը ներկայացնել էլէկտրական ուժային ագրեգատով, ինչպես նաև այլ տարբերակով, որտեղ դրան օժանդակող բենզինային շարժիչ կլինի: 1-ին տարբերակում էլեկտրոշարժիչն ու մարտկոցների խումբը 173 ձիաուժ հզորություն կապահովեն, մեկ լիցքավորմամբ մեքենան 130-160 կմ կանցնի: 2-րդ տարբերակում մեքենան կհամալրվի 0,6լ ծավալով մոտոցիկլետային շարժիչով, ինչը i3-ին թույլ կտա 220 կմ անցնել առանց կրկնակի լիցքավորման:
Պատվերները նորույթի համար կսկսեն ընդունել արդեն այս ամսվի կեսերից: Եվրոպայում BMW i3 էլեկտրոքարը կարժենա 40 800 եվրո, օժանդակ շարժիչովը՝ 44 300 եվրո:
Այլ նորություններ
|
