Corvette-ի 60-րդ հոբելյանը կնշվի նոր մոդելի թողարկմամբ
60 տարի է անցել այն պահից, որ ամերիկյան Chevrolet ընկերությունը սկսեց Corvette հանրահայտ մոդելի արտադրությունը: Այս հոբելյանը ընկերությունը որոշել է նշել մեքենայի նոր տարբերակի թողարկմամբ: Այն կստանա Corvette Stingray Premiere Edition անվանումն ու կարտադրվի սահմանափակ՝ 500 օրինակով:
Հիմքը վերցվել է Corvette 3LT-ից, թափքը յուրօրինակ գույնով է արված՝ երկնագույն լազուր մետալիկ, իսկ սրահը արված է ածխածնի մանրաթելերով ու թավշակաշվով:
Մյուս առանձնահատկությունների կողքին հարկ է առանձնացնել կարբոնային տանիքը, Z51 Performance Package փաթեթը, հատուկ պիտակներն ու քրոմապատ անվասկավառակները՝ Stingray գրությամբ:
Ծածկի տակ կտեղադրվի ստանդարտ 6.2 լ ծավալով V8 LT1 ուժային ագրեգատ, որի հզորությունը կկազմի 461 ձիաուժ: Corvette Stingray-ին 100 կմ/ժ արագության հասնելու համար բավական է 4 վայրկյանը: Արտադրողները նշում են նաև վառելիքի ծախսի կրճատման մասին՝ 100 կմ-ի համար 9 լ:
