Peugeot Citroen-ը կհայտնվի General Motors-ի կազմում
Reuters գործակալությունը հայտնում է, որ այս տարվա վերջին PSA Peugeot Citroen ընկերությունը կհայտնվի սնանկացման եզրին: Այդ է պատճառը, որ ընկերության բաժնետոմսերի 38%-ի սեփականատեր Peugeot ընտանիքը մտադիր է վաճառել դրանք:
Ավելի վաղ նրանք բանակցություններ էին սկսել չինական Dongfeng մակնիշի հետ բաժնետոմսերը նրան վաճառելու ուղղությամբ: Բանակցությունները սակայն արդյունք չտվեցին: Այժմ PSA Peugeot Citroen-ի բաժնետոմսերը գնելու առավել հավանական թեկնածու է ամերիկյան General Motors ընկերությունը: Անցյալ տարի նա արդեն ձեռք է բերել ֆրանսիական ընկերության բաժնետոմսերի 7%-ը, և ինչպես նշում են մասնագետները, հետաքրքրված է նաև դրանց մնացած մասով:
Կանխատեսվում է, որ ֆրանսիական ընկերությունը ճգնաժամից հանելու համար GM-ը կփակի գործարանների մի մասն ու կկրճատի աշխատակիցների մի մասին, ինչին ամենայն հավանականության դեմ կլինեն ֆրանսիական իշխանությունները:Այսօրվա դրությամբ ֆրանսիական կոնցեռնը 77 000 աշխատակից ունի:
Այսպիսով, ավտոաշխարհում նոր խոշոր վերաբաշխում է սպասվում:
