Նոր ՛՛նախագահական՛՛ Mercedes-ը կհայտնվի 2014-ին
S -դասի Mercedes-Benz-ի ամենաշքեղ տարբերակը, որ կստանա Pullman անվանումը, արտադրողները նախատեսում են դարձնել Rolls-Royce Phantom և Bentley Mulsanne ներկայացուցչական մոդելների արժանի մրցակիցը: Դա վերաբերվում է ինչպես հագեցածության աստիճանին, այնպես էլ գնին: Pullman-ը մոտավորապես 200 000 եվրո կարժենա:
S Pullman-ը կզբաղեցնի անհաջողակ Maybach-ի տեղը, որն այլևս չի արտադրվելու: Նոր S-դասի միջոցով Mercedes-ը նպատակ ունի վերականգնել իր դիրքերը գերշքեղ մեքենաներ արտադրող ընկերությունների շարքում, ինչը Daimler-ի ղեկավարի խոսքերով ընկերության համար ավանդույթ է:Այդ պատճառով արտադրողը պատրաստվում է նորույթը հագեցնել ամենայն ճոխությամբ ու ապահովել այն նորագույն տեխնոլոգիաներով:
Mercedes S-class Pullman-ը չափերով մոտ կլինի Maybach 62-ին՝ երկարությունը շուրջ 6 մ, անիվային բազան ՝ 3,5մ:
Հայտնի է, որ արտադրողները պատրաստվում են Pullman-ին տալ արտաքին ինքնատիպությունն ընգծող որոշ գծեր, մասնավորապես խոսքը գնում է յուրօրինակ ռադիատորային ցանցի մասին: Խոսակցություններ կան նաև սրահի ինքնատիպ լուծման մասին, որտեղ հնարավոր է ուղևորների համար նախատեսված 4 բազկաթոռները տեղադրվեն դեմ դիմաց:
Այլ նորություններ
|
Վիդեո
|
