SLC AMG. Նոր սուպերքար Mercedes-ից
Լրագրողները վերջերս բացահայտել են, որ գերմանական ավտոընկերությունը նոր սպորտային մոդել է պատրաստվում թողարկել, որը տեխնիկապես բավական մոտ կլինի Mercedes SLS սուպերքարին, բայց նրանից ավելի կոմպակտ ու էժան կլինի: Նորույթը հանդես կգա, որպես Porsche 911 -ի մրցակից:
Պապարացցիների հետապնդումներից խուսափելու նպատակով Mercedes-ը, պաշտոնապես հրապարակել է ապագա մոդելի թեստային տարբերակի լուսանկարները, որտեղ SLS-ի ՛՛կրսեր եղբայրը՛՛ քողարկմամբ է հանդես գալիս: Ցավոք սրտի, այս լուսանկարները պատրաստվող սպորտքարի մասին նոր տեղեկություններ չեն տալիս: Հայտնի է, որ այն թափքի նույն կառուցվածքը կունենա , ինչ SLS-ը, սակայն նրան բնորոշ բարձրացող դռներ չի ունենա և ավելի թեթև կլինի:
Ի տարբերություն գերհզոր SLS-ի, նոր մոդելը կթողարկվի ինչպես ծայրահեղ, այնպես էլ ավելի համեստ հզորության տարբերակներով: Ամենայն հավանականությամբ շարժիչային շարքը կբացի 3,0 լ V6 շարժիչը ՝ 350 ձիաուժով, հաջորդ աստիճանը կզբաղեցնի 4,0 լ V8-ը ՝ 480 ձիաուժ հզորությամբ, որը պատրաստվում է նոր С 63 AMG մոդելի համար: Այնուհետև կգա 571 ձիաուժ հզորությամբ 6,2 լիտրանոց V8-ը: Չեն բացառվում նաև Black Series տարբերակները՝ 550 և 585 ձիաուժ հզորությամբ:
Մեքենան կարտադրվի միայն թափքի մի տեսակով՝ կուպե և կլինի ետևի քարշակ տարբերակով:
վաճառքում կհայտնվի հավանաբար 2016թ, նախնական գինը Գերմանիայում կսկսվի 110 000 եվրոից:
Այլ նորություններ
|
Վիդեո
|
