	Продать автомобиль		Автопрокат
	Продать запчасти

Регистрация | Забыли пароль

Автомобили
купить/продать

Марка

Модель

Тип

Состояние

Год выпуска
-

Цена
-

BMW M1 Hommage - 70-ականների լեգենդար զինվորի ժառանգորդը

2010թ. հենց սկզբից մի շարք ավտոարտադրող ընկերություններ ձեռնամուխ եղան երկտեղանի արագընթաց մեքենաների արտադրությանը, ինչը կանխատեսելի էր: Nissan-ը ներկայացրեց GT-R, Bentley-ն՝ Continental GT, Audi-ն հանդես եկավ իր R8-ով:

Գաղտնիք չէ, որ հանրահայտ BMW կոնցեռնը նույնպես մտքեր ուներ նման մեքենա թողարկելու մասին: Չմոռանանք, որ 2008-ին BMW-ն ներկայացրել էր M1 Hommage կոնցեպտը, որից հետո սակայն նախագիծը փակված էր հայտարարվել: Բայց 1 տարի չանցած կոնցեռնի ղեկավարությունը M-Division -ի մասնագետների հետ վերսկսեց M1-ի աշխատանքները:
2008-ին ներկայացված կոնցեպտը առանձնանում է յուրօրինակ տեսքով՝ միաժամանակ պահպանելով BMW-ին բնորոշ ոճը: Պրոֆիլից մեքենան հիշեցնում է 70-ականների վերջի լեգենդար մարտիկին՝ BMW M1-ին, ինչը նախօրոք պլանավորել էին ինժենենրները:

Միակ տարբերությունը գծերի ավելի սահուն դառնալն է: Դիզայնը ետևի կողմում նույնպես փոփոխության է ենթարկվել. մեկի փոխարեն 2 BMW էմբլեմ է հայտնվել լապտերների վերևում:
Ավտոմեքենայի ողջ գեղեցկությամբ հանդերձ, դիզայնի մի շարք տարրեր այստեղ բացի էսթետիկական հաճույք պատճառելուց նաև ծառայում են աէրոդինամիկայի ապահովմանը:

Տեխնիկական բնութագրումների մասին խոսելը դեռևս վաղ է, սակայն M-Division -ի մասնագետները հայտնում են, որ մեքենայի վրա կտեղադրվի BMW-ի կողմից արտադրված 8 գլանային շարժիչ, որի հզորությունը կկազմի 600-650 ձիաուժ: Ավելի վաղ խոսվում էր, որ նորույթը կկառուցվի նույն պլատֆորմի վրա, ինչ BMW i8-ը, որ ալյումինից է պատրաստված, սակայն այդ տեղեկությունները չեն հաստատվել: Հակառակը, արտադրողները վստահեցնում են, որ նոր մեքենայի շասսին ու թափքը ամբողջությամբ զրոյից են պատրաստվելու, և իրենք մտադիր չեն որևէ տեղից որևէ բան վերցնել:
Անհայտության նույն քողով է ծածկված նաև մեքենայի սրահը: Կարելի է ենթադրել, որ այն նման կլինի և BMW i8-ին, և BMW M1-ին, բայց սա հստակ տեղեկություն չէ: