Audi -ն կներկայացնի իր ամենաարագ սպորտքարը՝ Audi Sport Quattro
Audi ընկերությունը կիրականացնի նշանավոր Sport Quattro մոդելի նոր ժառանգորդի թողարկումը, որը կներկայացվի սեպտեմբերին՝ Ֆրանկֆուրտյան ավտոսրահում:
Նոր մոդելի թողարկումը կապված է լեգենդար ավտոմեքենայի 30-րդ տարեդարձի հետ, որը կնշվի հաջորդ տարի:
Լրատվամիջոցների հայտնած տեղեկությունների համաձայն, ապագա սպորտքարը ավելի ագրեսիվ տեսք կունենա, քան 2010թ. ներկայացված նրա կոնցեպտը (լուսանկարներում):
Բացի այդ, շարժիչը նույնպես ավելի հզոր կլինի: Եթե կոնցեպտը հագեցած էր 2,5լ 5 գլանային 408 ձիաուժ հզորությամբ շարժիչով, ապա նոր Sport Quattro-ն կստանա 4,0լ V8 շարժիչ՝ 650 ձիաուժով:
Նորույթի կառուցվածքում նախատեսում են լայնորեն օգտագործել գերթեթև նյութեր՝ բնածուխ, ալյումին, որի արդյունքում մեքենայի քաշը չի գերազանցի 1300 կգ-ը: Թեթև քաշն ու գերհզոր շարժիչը միասին կատարյալ դինամիկա կապահովեն նոր Audi -ի համար: 100 կմ/ժ արագության հասնելու համար բավական է 3,4 վայրկյանը: Փաստորեն նորույթը հակված է դառնալ Audi-ի ամենադինամիկ մոդելը: Այն կհամալրվի նաև կարբոն- կերամիկական արգելակներով ու սպորտային կախոցով:
Հայտնի է նաև նոր Audi-ի մոտավոր գինը, Գերմանիայում այն 115 000 եվրո կարժենա:
Այլ նորություններ
|
