BMW կոնցեռնը վիրտուալ կերպով ցուցադրել է նոր դասի 1-ին ներկայացուցչին՝ 4-րդ սերիայի կուպեն, որը արված է 3-րդ սերիայի երկդռնանի մոդելի հիմքի վրա: Սեպտեմբերին Ֆրանկֆուրտյան ավտոսրահում նրան կմիանա նաև կաբրիոլետը:
Նոր մոդելը իրեն նախորդած 3-րդ սերիայի համեմատ էապես փոխել է չափերը: Այն դարձել է ավելի լայն, ցածր ու ագրեսիվ տեսք է ստացել ձգված ծածկի շնորհիվ: Փոփոխությունը չափերի մեջ հետևյալն է՝ +26 մմ երկարության մեջ, +43 մմ լայնության մեջ, -16 մմ բարձրության մեջ:
Մեքենաները կաշխատեն 6 աստիճան մեխանիկական, կամ 8 աստիճան ավտոմատ փոխանցման տուփերով: Լիաքարշակ xDrive համակարգը կլինի միայն բենզինային տարբերակներում: Նոյեմբերին շարժիչային շարքը կհամալրվի ևս 2-ով, ինչպես նաև կսկսվի պատվերների ընդումումը սպորտային M տարբերակի համար:
BMW-ն խոստանում է, որ նոր 4-րդ սերիան ավելի հագեցած կլինի տարբեր համակարգերով, քան նրա համարժեքը 3-րդ սերիայում: Բոլոր մեքենաները կստանան ետևի ու առջևի կայանման ցուցիչներ, առջևի նստելատեղերի տաքացում, բազմաֆունկցիոնալ ղեկ, կաշվե սրահ, երկակի գոտիներով օդակարգավորում, թվային ռադիո, Bluetooth, USB, 6,5- դյույմանոց գունավոր դիսփլեյ, լուսարձակների ավտոմատ միացում: Ընդ որում գինը էապես չի փոխվի:
BMW 4-series կուպեի նախնական արժեքը Եվրոպայի համար կլինի 49 590 դոլար:
