Bentley մրցավազքային մոդելը-Continental GT3
Փարիզյան ավտոսրահում ցուցադրված Continental GT3 մրցավազքային կոնցեպտը մեծ ուշադրության արժանացավ բոլորի կողմից, սա Bentley-ի վերադարձի մասին էր խոսում դեպի ավտոսպորտ: Այժմ ընկերությունը նոր մանրամասներ է հրապարակում մրցավազքային ավտոմեքենայի մասին, որը սերիական արտադրության կդրվի: Սա Bentley-ի և ավտոսպորտում հայտնի M-Sport Ltd ընկերության համատեղ աշխատանքն է, նորույթի հիմքը հանդիսանում է Continental GT Speed-ը:
Մրցավազքային Bentley-ի վրա կտեղադրվի 4.0 լիտրանոց twin turbo V8 շարժիչ, որը սովորական տարբերակում 507 ձիաուժ հզորության է հասնում: Շարժիչը կմիացվի 6 աստիճան սեկվենտալ փոխանցման տուփին, որն էլ հզորությունը կուղղորդի ետևի անիվներին:
Continental GT3-ը կստանա հատուկ ամորտիզատորներ՝ աշխատանքային 4 ռեժիմով ու բարձր էֆեկտիվությամբ արգելակներ, ստորտային ՛՛մանրամասնորեն արված՛՛ հատուկ ղեկ ու կարբոնային նստելատեղեր:
Մեքենայի քաշը կրճատելու համար ինժեներները կհեռացնեն բոլոր ավելորդ իրերը սրահից, ինչպես նաև կարբոնից կպատրաստեն թափքի որոշ տարրեր՝ դռները, ծածկն ու բեռնախցիկի ծածկը: Նախատեսվում է, որ GT3 սպորտային տարբերակը իր ՛՛դոնորից՛՛ թեթև կլինի 1000 կգ-ով:
Նախագծի հեղինակը հայտարարում է, որ այս մեքենան արժանի մրցակից է, և չի զիջի առաջատար սպորտքարերին թե՛ հզորությամբ, թե՛ քաշով ու աերոդինամիկայով:
Bentley-ն պլանավորում է սկսել Continental GT3-ի փորձարկումը մոտակա ժամանակահատվածում: Իսկ թե որ մրցավազքում այն մասնակցություն կունենա, դեռևս հայտնի չէ:
Այլ նորություններ
|
