1-ին կրոսովերը Maserati-ի պատմության մեջ
Հայտնի են դարձել 1-ին սերիական Maserati կրոսովերի մասին մանրամասները: Այն շուկայում կհայտնվի 2015թ. 1-ին կեսին:
Ավտոմոբիլը կդառնա 2011թ. Ֆրանկֆուրտի ավտոսրահում ցուցադրված Kubang կոնցեպտի սերիական մարմնավորումը: Ընդ որում, այն նույնությամբ չի կրկնի նախատիպին, այլ կժառանգի նրա ընդհանուր ոճային դրույթները:
Նոր Maserati-ն կստանա 3,0 լիտրանոց բիտուրբո բենզինային V6 շարժիչ՝410 ձիաուժ հզորությամբ, 3,8 լիտրանոց 8 գլանային բենզինային շարժիչ՝ 530 ձիաուժով, ինչպես նաև 3,0 լիտրանոց 6 գլանային տուրբոդիզելային ՝ 271 ձիաուով: Շարժիչները կաշխատեն 8 աստիճան փոխանցման տուփի հետ միասին:
Հայտնի է նաև, որ Maserati կրոսովերը տեխնիկական բնութագրով նման կլինի Quattroporte և Ghibli մոդելներին, ինչպես նաև Jeep Grand Cherokee-ին: Մասնավորապես, առաջիններից կվերցնի թափքի ալյումինե տարրերը և կախոցը, իսկ վերջինից՝ պլատֆորմը:
Հետաքրքրիր է նոր մոդելի անվանման հարցը, սկզբում իտալական ավտոընկերությունը հայտնեց, որ այն կկոչվի Maserati Levante, բայց լուրեր են պտտվում, որ այդ անվանումը նոր սեդանն է ստանալու, որը միտում ունի դառնալու Audi A6-ի և 5-րդ սերիայի BMW-ի մրցակիցը: Այս հարցը դեռևս բաց է մնում, սակայն չի բացառվում նաև, որ իտալացիները անկանխատեսելի քայլի գնան ու նույն անվանումով 2 տարբեր թափքերով մեքենաներ արտադրեն:
Այլ նորություններ
|
Վիդեո
|
