Գերմանական ավտոընկերության ղեկավարությունը հավանություն է տվել իր հանրահայտ մոդելային շարքերից մեկը՝ C-դասը հեչբեքով համալրելու վերաբերյալ նախագծին: Նախատեսվում է, որ այն կմրցակցի Audi A5 Sportback և BMW 3 Series Gran Turismo մոդելների հետ:
Ինչպես հայտնում են, այս հեչբեքը չափերով բավական խոշոր կլինի ու կգերազանցի սեդանին, ինչն իր հերթին ՛՛տպավորիչ՛՛ տարածություն կապահովի ետևի ուղևորների համար:
Mercedes-ի այս նորույթի վերաբերյալ մանրամասն տեղեկություններ դեռևս չկան: Ամենայն հավանականությամբ շարժիչային համակարգը կլինի նույնը, ինչ ներկայիս C-դասի մոտ է:
Արտադրողների մտահղացմամբ այս մոդելում կներդաշնակվեն ունիվերսալի տարողությունն ու կուպեի ոճային արտաքին տեսքը: Իսկ թե ինչ տեսք կունենա այս ամենը, դեռևս պարզ չէ:
Նորույթը շուկայում կհայտնվի 2016 թ-ից ոչ շուտ: Ենթադրվում է, որ ավելի բարձր արժեք կունենա, քան C-դասի սեդանը: