Aston Martin-ը սերիական արտադրության կհանի Rapide ունիվերսալը
Ինչպես հայտնում են արտասահմանյան լրատվամիջոցները, Aston Martin-ը սերիական արտադրության կհանի նոր ունիվերսալ, որը կառուցվում է Rapide -ի հիմքի վրա: Իտալական Bertone ընկերությունը Aston Martin Rapide- կուպեն ունիվերսալի էր վերածել Ժնևյան ցուցահանդեսի համար, որը 2013թ. մարտ ամսին կայացավ, այնտեղ այս մոդելը ներկայացավ Bertone Jet 2+2 անվանումով:
Կոնցեպտի թողարկումը հոբելյանական էր, այն արտադրվել է 1 օրինակով՝ Aston Martin ընկերության 100-ամյակի և Aston Martin և Bertone ընկերությունների համագործակցության 60 -ամյակի կապակցությամբ:
Նորույթի վրա 5.9լ տարողությամբ բենզինային V12 շարժիչ է տեղադրված՝ 470 ձիաուժ հզորությամբ: Կուպեի հետ համեմատած փոփոխություններ կան թե՛ ինտերիերում, թե՛ էքստերիերում: Ունիվերսալի ներսում տեղադրվել են 4 առանձին նստարաններ, ընդ որում ետևի նստարանները անհրաժեշտության դեպքում ծալվում են՝ մեծացնելով բեռնախցիկի տարողությունը:
Aston Martin և Bertone ընկերությունների 2004թ. համագործակցության արդյունքը եղավ Aston Martin Jet 2 կոնցեպտը, որ Vanquish մոդելի վերափոխված տարբերակն էր: Ավտոմոբիլը թողարկվեց եզակի օրինակով, այն այժմ լրացնում է անհատական հավաքածուներից մեկը:
Ունիվերսալը կարտադրվի 100 օրինակով, իսկ այն հարցին, թե որքան կարժենա, Bertone-ի ներկայացուցիչները պատասխանել են ՛՛շատ թանկ՛՛: