BMW X5-ի նոր սերունդը
BMW ընկերությունը պաշտոնապես ներկայացրել է նոր սերնդի X5 ամենագնացը, որի վաճառքը եվրոպական շուկայում կսկսվի 2013թ. նոյեմբերից:
Նոր X5-ը նախորդից շատ չի տարբերվում: Նոր տարբերակում փոխվել է ռադիատորային ճաղավանդակը, փոքր-ինչ ձգվել են լուսարձակները, փոփոխվել են նաև առջևի բամպերն ու լուսադիոդային հակամառախուղային լուսարձակները:
Սրահը նույնպես որոշ փոփոխությունների է ենթարկվել: Առաջին հերթին աչքի է ընկնում 10,25 դյույմանոց iDrive մուլտիմեդիոն համակարգի դիսփլեյը: Նորույթը ստացել է քառագոտի կլիմատ - կոնտրոլ, սրահի լուսադիոդային լուսավորում, իսկ բեռնախցիկը նախորդի համեմատ մեծացել է 120 լ-ով, այսինքն նստարանները ծալելու դեպքում 1870լ տարողություն ունի: Բայց նոր BMW X5-ի գլխավոր փոփոխությունը 3-րդ շարք նստարանների ավելացումն է, որը ցանկության դեպքում կարելի է պատվիրել:
Սկզբում BMW X5-ը կառաջարկվի 3 շարժիչներով՝ 4,4լ բենզինային բիտուրբո V8 (450 ձիաուժ, 650 պտույտ/րոպե), 3.0 լ դիզելային (258 ձիաուժ, 560 պտույտ/րոպե) և 3.0լ եռատուրբին 6-գլանային (381ձիաուժ, 740 պտույտ/րոպե) շարժիչներով: Ավելի ուշ նրանց կմիանան 306 ձիաուժ հզորությամբ բենզինային և 313 ձիաուժով դիզելային տարբերակները, որոնց վառելիքի ծախսը 100 կմ-ի համար 5,9 և 5,6 լ կկազմի :
Ընդ որում, գնորդը հնարավորություն ունի ընտրելու 4 փաթեթներից մեկը՝ Professional, Dynamic, Comfort և M Sport, որից էլ կախված կլինի կախոցի (подвеска) կարգավորումները, որի արդյունքում մեքենան ավելի կառավարելի կամ հարմարավետ կլինի:
Գների մասին տեղեկություններ դեռևս չկան:
Այլ նորություններ
|
Վիդեո
|
