Նոր գերհզոր մոդել Aston Martin-ից
Aston Martin ընկերությունը պաշտոնապես հրապարակել է նորացված V12 Vantage S կուպեի վերաբերյալ տեղեկություններ ու լուսանկարներ: Նորույթը հայտարարվել է բրիտանական ավտոընկերության ամենաարագ սերիական մոդելը՝ չհաշված սահմանափակ քանակությամբ թողարկված One-77 գիպերքարը:
 Նոր Aston Martin V12 Vantage S մոդելի վրա տեղադրված 6.0լ 12-գլանային AM28 շարժիչը ապահովում է 573 ձիաուժ հզորություն,և Sportshift III AMT 7 աստիճան ավտոմատ փոխանցման տուփի հետ միասին մեքենան հասցնում մինչև 330 կմ/ժ մաքսիմալ արագության:
Նորույթը կշռում է 1665 կգ, այսինքն 15 կգ-ով թեթև է նախորդ V12 Vantage-ից: 100 կմ/ժ արագության հասնում է 4 վայրկյանից էլ պակաս ժամանակում:
.jpg)
Արտաքինից այս մեքենան նախորդ V12 Vantage-ից տարբերվում է CC100 Speedster կոնցեպտի ոճով արված ռադիատորային ճաղավանդակով: Սրահում տեղադրված են թեթև բնածուխից պատրաստված նստարաններ:
Aston Martin V12 Vantage S-ի դեբյուտը նախատեսվում է 2013թ. հուլիսին ՝Goodwood արագության փառատոնում: Գինը դեռևս չի հրապարակվում, սակայն կան կարծիքներ, որ նախնական արժեքը կգերազանցի 200 հազար դոլարը:
 
Այլ նորություններ
|
