Մեքենա, որ կաշխատի առանց վառելիքի
Գյուտարար Չարլզ Սթիվենսը, որ Laser Power Systems ընկերության տնօրենն է, ներկայացրել է միջուկային էներգիայի հիման վրա աշխատող ավտոմեքենա, որը ստացել է Thorium անվանումը:
Միջուկային էներգիայով աշխատող ավտոմեքենայի ստեղծումը նորույթ չէ: 2009-ին Cadillac-ը ներկայացրել էր մի նախագիծ, որը մեքենայի վառելիքի փոխարեն օգտագործելու էր ծանր մետաղ: Սակայն դա իրականություն չդարձավ:
Մի քանի ամիս առաջ Չարլզ Սթիվենսը և ինժեներների մի խումբ մշակեցին նման ռեակտոր: Thorium-ի հիմքում օգտագործվելու է ծանր ռադիոկատիվ մետաղ տորը, որը հսկայական էներգիա արտադրելու պոտենցիալ ունի: Գիտնականների կարծիքով այդ նյութի մեկ գրամը կարող է փոխարինել 30 հազար լիտր բենզինին:
Thorium ռեակտիվի արտադրված էլեկտրաէներգիան կարող է վերադարձվել դեպի ցանց և լիցքավորել այլ էլեկտրական սարքավորումներ:
 Thorium-ը ուրանի նման նյութ է, բայց խիտ և հսկայական քանակությամբ էներգիա արտադրելու հնարավորություն ունի: Power Systems-ի գլխավոր տնօրեն Չարլզ Սթիվենսը պնդում է, որ տորի միայն մեկ գրամն ավելի շատ էներգիա է արտադրում, քան 28.000 լիտր բենզինը: Սթիվենսի կարծիքով` 8 գրամ Thorium-ը բավական է տրանսպորտային միջոցն ամբողջ կյանքում շահագործելու համար:
Իսկ եթե Thorium-ը իրոք դառնա ապագայի էներգիայի աղբյուր, Ավստրալիան կդառնա էներգետիկայի գիգանտ: Ամերիկյան Երկրաբանական ծառայության տվյալների համաձայն` Ավստրալիան 333.690 տոննա Thorium ունի, որը համաշխարհային պահուստի մեկ վեցերորդն է:
Ամերիկյան ընկերությունը հայտարարում է, որ այդ տրանսպորտային միջոցի նախատիպը կլինի երկու տարվա ընթացքում:
Այլ նորություններ
|
Վիդեո
|
