Bugatti Veyron Դուբայի ոստիկանների համար
Արաբական աշխարհի նշանավոր քաղաքներից մեկի ՝ Դուբայի ոստիկանության ավտոպարկը համալրվել է ևս մեկ հզոր մեքենայով, խոսքը գնում է 1,4 մլն դոլար արժողությամբ Bugatti Veyron-ի մասին: Նշենք , որ այս մեքենայի առավելագույն արագությունը 430 կմ/ժ է, 1000 ձիաուժ հզորությամբ շարժիչը 100 կմ/ժ արագությունն ապահովում է 2,7 վրկ-ում:
Հիշեցնենք, որ սա Դուբայի ոստիկանության հերթական հզոր ու թանկարժեք փոխադրամիջոցն է: Մինչ Bugatti Veyron-ը ձեռք բերելը արաբ ոստիկանները քաղաքում տեղաշարժվում էին այնպիսի շքեղ մեքենաներով, ինչպիսիք են Bentley Continental, Mercedes-Benz SLS, Ferrari FF, Lamborghini Aventador, Aston Martin One-77 и Chevrolet Camaro: Այս շքեղ շարքն այսուհետ համալրվեց աշխարհի ամենաարագ մոդելներց մեկը համարվող Bugatti Veyron-ով:
Ոստիկանության ղեկավարի խոսքերով, Դուբայը աշխարհի մյուս քաղաքներից տարբերվում է իր յուրօրինակությամբ, և այն ամենն ինչ կա այս քաղաքում, նույնպես յուրօրինակ ու էքսկյուզիվ պիտի լինի: Դրա վառ ապացույցն են ոստիկանների վարած սուպերքարերը, որոնք կոչված են ընդգծելու Արաբական Էմիրությունների շքեղությունն ու ճոխությունը:
Մնում է մի հարց, որն է լինելու հաջորդը...
Այլ նորություններ
|
Վիդեո
|
