Իր 100-րդ հոբելյանի առիթով բրիտանական ավտոընկերությունը նոր կոնցեպտ է պատրաստել: Նորույթը, որ CC100 անվանումն է ստացել, հիշեցնում է մրցավազքային DBR1 մեքենան, որը 1959թ. Le Mans ավտոմրցաշարում հաղթող ճանաչվեց:
DBR1-ի ոճով , սակայն ժամանակակից դիզայներական լուծումներով արված այս մոդելը հիասքանչ տեսք ունի: 4,5 մ երկարությամբ և գրեթե 2 մ լայնությամբ այս մեքենան 1200 կգ է կշռում՝ շնորհիվ կառուցվածքում օգտագործված բնածուխի:
6.0 լ տարողությամբ V12 շարժիչը 6-աստիճան փոխանցման տուփի հետ միասին հնարավորություն է տալիս հասնել մինչև 290 կմ/ժ արագության , իսկ100 կմ/ժ -ի հասնելու համար պահանջվում է շուրջ 4 վայրկյան:
Aston Martin ընկերությունում ասում են, որ 6 ամսվա ընթացքում են պատրաստել կոնցեպտը, որը դեռևս 1 օրինակից է:
Որոշ տեղեկությունների համաձայն, էքսկլուզիվ CC100-ը արդեն վաճառված է, իսկ գինը տատանվում է 770 000-ից 1 540 000 դոլարի սահմաններում:
