BMW-ն նորացնում է 5-րդ սերիայի մոդելները
BMW ընկերությունը ներկայացրել է 5-րդ սերիայի բոլոր մոդելների թարմացման փաթեթը: 2014թ. սեդան, ունիվերսալ, սպորտային Gran Turismo և հիբրիդային ActiveHybrid 5 մոդելները արտաքին չափավոր փոփոխությունների են երթարկվել:
Որոշ չափով փոփոխվել են լուսարձակների, օդակլանիչների ու բամպերների ձևը: Լրացուցիչ օպցիաներն այժմ ներառում են LED- լուսավորում, փայլուն (Luxury Line) կամ ոչ փայլուն (Modern Line) քրոմային ծածկույթ:
Փոփոխություններ կան նաև սրահում, մի քանի գրպաններ ու դարակներ են ավելացել մանր իրերի համար: 5-րդ սերիայի GT-ի բեռնախցիկն է մեծացել: Ետևի ուղևորների համար ավելացել են iDrive կարգավորիչն ու 2 պլանշետ:
Փոփոխություններն առավել էական են ուժային հատվածում: Նոր 2.0լ տարողությամբ տուրբո շարժիչը, որ 143 ձիաուժ է ապահովում, էկոլոգիական մաքրության բարձր ցուցանիշներով է առանձնանում (518d): Բացի դրանից, BMW-ն 5-րդ սերիայի 520d մոդելի համար առաջարկում է 184 ձիաուժ հզորությամբ շարժիչը՝ լաքարշակ xDrive համակարգով և 535d մոդելի համար 255 ձիաուժով շարժիչը:
Բենզինային տարբերակների մեջ մեծ փոփոխության է ենթարկվել հզորագույն 550i մոդելը, որի 4,4 լիտրանոց V8 շարժիչի հզորությունը հասել է 450 ձիաուժի: Այս նույն շարժիչը ՛՛լիցքավորված՛՛ BMW M5 մոդելում՝ Competition Package կոմպլեկտացիայով , կարող է ապահովել մինչև 575 ձիաուժ հզորություն: Այս բոլոր նորացված շարժիչները համապատասխանում են "Евро-6" ստանդարտներին և աչքի են ընկնում վառելիքի տնտեսմամբ:
Նորացված 5-րդ սերիայի BMW-ի արտադրությունը կսկսի 2013-ի ամռան վերջին:
Այլ նորություններ
|
