BMW M2 -ը բացահայտված է
Օրերս որոշ լրագրողների վիճակվել է պատահաբար ներկա գտնվել 2-րդ սերիայի BMW -ի պաշտոնական ֆոտոսեսիային: Նրանց արած ՛՛լրտեսական՛՛ լուսանկարները, որտեղ M2-ն առանց քողարկման է, արագորեն տարածվել են համացանցում:Նկարահանումներին մասնակցում էր նոր մոդելի սպորտային տարբերակը՝ BMW M235i ինդեքսով:
Բավարական ավտոընկերության դիզայներների խնդիրն էր առավելագույնս տարբեր անել այս կուպեի էքստերիերը 1-ին սերիայի հեչբեքից: Լուսանկարներից երևում է, որ նրանք հաջողությամբ լուծել են այդ խնդիրը՝ ոճային փոփոխությունների ենթարկելով հատկապես մեքենայիի դիմային մասը, այստեղ մոդեռնիզացվել են ռադիատորային ճաղավանդակը, լուսարձակներն ու բամպերը: 2 մոդելները ինտերիերով ավելի մոտ են:
Տեղեկությունների համաձայն 2-րդ սերիայի BMW-ն կարտադրվի 4-գլանային բենզինային և դիզելային շարժիչներով՝ 150-218 ձիաուժ հզորությամբ : Սպորտային տարբերակի վրա կտեղադրվի 3.0լ 320 ձիաուժով հզոր շարժիչը, որը կապահովի 250 կմ/ժ առավելագույն արագություն, իսկ 100 կմ/ժ-ի մեքենան կհասնի 4,9 վայրկյանում:
6 աստիճան մեխանիկական փոխանցման տուփն ու առջևի քարշակը ստանդարտ կլինեն, ինչպես 2-րդ սերիայի BMW-ի բոլոր տարբերակներում, սակայն լրացուցիչ ընտրանքների ցուցակում կառաջարկվեն 8 աստիճան ՛՛ավտոմատն՛՛ ու լիաքարշակ xDrive համակարգը:
2-րդ սերիայի BMW-ի համաշխարհային պրեմիերան կկայանա 2013թ. սեպտեմբերին Ֆրանկֆուրտում:
Այլ նորություններ
|
