Lamborghini Urus կրոսովերը կթողարկվի
Volkswagen կոնցեռնը, որին պատկանում է իտալական Lamborghini մակնիշը, վերջնական որոշում է ընդունել լյուքս կրոսովերի թողարկման մասին: Կոնցեռնի ղեկավարությունը հաստատել է, որ նախագիծը ՛՛կանաչ լույս՛՛ է ստացել և կարտադրվի Urus անվամբ: 200 000 դոլար արժողությամբ ամենագնացը շուկայում կհայտնվի 2017թ:
Lamborghini Urus կոնցեպտը, որ հանրությանը ներկայացվեց շուրջ 1 տարի առաջ, իտալական ընկերության կրոսովեր արտադրելու 1-ին փորձն էր: Ընկերությունը նույնիսկ մտադիր էր նորույթը ներկայացնել Մոսկվայի ավտոցուցահանդեսում: Սակայն մինչև վերջին օրերը պարզ չէր Urus-ը կդրվի սերիական արտադրության, թե ոչ: Միայն Lamborghini -ի 50-րդ հոբելյանի տոնակատարության ժամանակ ընկերության ղեկավար Rupert Stadler-ը ցրեց վերջին կասկածները ՝ հայտարարելով, որ կրոսովերը կթողարկվի:
Lamborghini Urus-ը պատրաստվում է նույն պլատֆորմի վրա, ինչ Audi Q7 և Porsche Cayenne մոդելները: V12 շարժիչը 600 ձիաուժ հզորություն է ապահովում: Հաշվի առնելով շարժիչի ծանրությունը, նշենք, որ մեքենան հիանալի դինամիկա ունի՝ շնորհիվ կառուցվածքում օգտագործված գերթեթև նյութերի:
Մեքենայի արտաքին տեսքը նույնպես հիանալի է: Առջևի Y-ձև լուսարձակները բամպերի վրա տեղադրված 2 խոշոր օդակլանիչների հետ միասին ամենազորության զգացողություն են առաջացնում: Այս ամենին ավելանում են նաև Lamborghini -ին բնորոշ սպորտային գծերը: Մեքենային հիանալի տեսք են հաղորդում 24 դյույմանոց անվահեծերը, որոնք գրավում են գեղեցիկ ու ոճային դիզայնով:
Սրահը նույնպես կատարյալ է: Հարմարավետ բազկաթոռները հեշտորեն կարգավորվում են, իսկ անհրաճեշտ ինֆորմացիան երևում է TFT էկրանի վրա, ետևի հայելիների փոխարեն տեսախցիկներ են տեղադրված:
Ընկերությունը նախատեսում է կրոսովերի արտադրությունը հասցնել տարեկան 3 հազարի, լյուքս կրոսովերը նախնական տվյալների համաձայն կարժենա 200 հազար դոլար:
Այլ նորություններ
|
Վիդեո
|
