Ավստրիական ամենամյա Wörthersee Tour ավտոփառատոնի շրջանակներում Volkswagen ընկերությունը ներկայացրել է Design Vision GTI սպորտային հեչբեքը: Կոնցեպտը նախագծվել է 7-րդ սերնդի Volkswagen Golf GTI մոդելի հիմքի վրա:
Թափքի դիմային մասը ագրեսիվ լուծում է ստացել, այստեղ հայտնվել են դիոդային լուսարձակները, սպլինտերը, լայնացված օդակլանիչը: Էքստերիերի ձևավորման մեջ ուշագրավ են նաև 20 դյույմանոց սկավառակները, ետևի բամպերը, իսկ հետին հատվածը կարծես առանձնացած լինի թափքից:
Volkswagen Design Vision GTI-ի ինտերիերը բավական խիստ է ու ներդաշնակ: Մեքենայի սպորտային խառնվածքի մասին են վկայում դեպի վարորդը շրջված կենտրոնական հատվածը, սպորտային նստատեղերը, ետևի նստարանի բացակայությունը:
Հեչբեքը համալրվել է 3.0լ երկտուրբին շարժիչով, որն ապահովված է 503 ձիաուժ հզորությամբ: Ավտոմատ DSG փոխանցման տուփը հնարավորություն է տալիս սուպերքարին 0-100կմ/ժ արագության հասնել 3.9 վայրկյանում: Առավելագույն արագությունը 300 կմ/ժ է:
.jpg)
