Նոր կոնցեպտ Mazda Kazamai
.jpg)
Mazda Kazamai կոնցեպտը կներկայացվի Մոսկայի միջազգային ավտոցուցահանդեսում օգոստոս ամսին, սակայն թե արտաքին տեսքի , թե տեխնիկական բնութագրումների մասին որոշ տվյալներ արդեն հայտնի են:
Mazda-ի այս կոնցեպտը ստեղծում է հզոր, միևնույն ժամանակ թեթև ու ոճային ամենագնացի կերպար: Արտադրողները հրաշալի լուծում են տվել իրենց առջև դրված խնդրին՝ապահովելով գրավիսչ պորտային ընթացքի, անվտանգության ու էկոլոգիայի պահապանման ներդաշնակություն:
Ազատատենչ, թեթև Kazamai-ը թափքի յուրօրինակ ձև է ստացել , որը կարծես քամուց ծալքեր ստացած կտորով ծածկված լինի: Դա խոսում է ավտոմոբիլի հիմնական գաղափարախոսության մասին, քանի որ Kazamai ճապոներենից թարգմանաբար նշանակում է ՛՛քամիների ճակատամարտ՛՛: Ամենագնացի ողջ կերպարն է վկայում ՛՛անզիջում պայքարի՛՛ մասին, այս ուղղությունը դիզայնում կոչվում է "Nagare" : Այն լույսի ու քամու խաղն է ներկայացնում:
Kazamai մոդելում միավորվում են թեթև սահուն գծերն ու աէրոդինամիկ համամասնությունները: Հնգանկյուն ռադիատորային ճաղավանդակը, առջևի ընգծված թևերը, սահուն տանիքն ու 22 դյույմանոց անվահեծերը մեքենային յուրօրինակ էմոցիա են հաղորդում:
Չնայած սպորտային արտաքինին, մեքենան բավականին համեստ չափերի մեջ է:
Կոնցեպտը լիաքարշակ է, հագեցած է նոր սերնդի շարժիչով ու փոխանցման տուփով և հիանալի աէրոդինամիկա ունի: Իրականության վերածվելու դեպքում այն կստանա ընթացային հիանալի ցուցանիշներ, վառելիքի տնտեսում, ածխաթթու գազի արտանետման ցածր աստիճան:
Mazda Kazamai կոնցեպտը խոստանում է դառնալ Mazda ընկերության դիզայներների հերթական հաջողված նախագիծը:
.jpg)
Այլ նորություններ
|
Վիդեո
|
