S-class Mercedes -ի էվոլյուցիան
1 դարից փոքր-ինչ ավելի է, որ Շտուտգարտում հիմնադրված նշանավոր ավտոընկերությունն իր արտադրանքով հիացնում է աշխարհին: Կարելի է նույնիսկ ասել, որ նա ոչ թե մեքենաներ է արտադրում, այլ ապագան է կերտում: Mercedes benz-ը հիմնադրման օրվանից մեծ էվոլյուցիա է ապրել և այսօր էլ չի դադարում կատարելագործել իր արտադրանքը: Այս ամենի մասին առավել մանրամասն խոսենք Mercedes-ի հանրահայտ մոդելներից մեկի ՝ S-դասի օրինակով:
Mercedes Simplex 60PS
Անդրադառնալով S-դասի Mercedes-ի էվոլյուցիային՝ անհրաժեշտ է նշել, որ այս ՛՛ընտանիքի՛՛ նախահայրն է հանդիսանում Mercedes Simplex 60PS անվանումը կրող ավտոբուս հիշեցնող այս մոդելը: Այն ծնունդ է առել 1903թ-ին: Ճիշտ է, այս մեքենայի և ժամանակակից S -դասի միջև նմանություն գտնելը շատ դժվար է, սակայն չմոռանանք, որ Simplex 60PS-ը իր ժամանակին պակաս հայտնի ու ցանկալի չէր, այն մասնակցել և հաղթող է ճանաչվել մի շարք մրցավազքերում՝ առաջ անցնելով անգլիացիներից ու ամերիկացիներից:
Mercedes-Benz Nürburg 460
1926թ. Կառլ Բենցը և Գոտլիբ Դայմլերը միավորեցին իրենց ընկերությունները՝ ձևավորելով Daimler-Benz AG-ն: Հենց այս միավորված ընկերությունն էլ 1928թ. թողարկեց Mercedes-ի 1-ին սերիական մոդելը՝ Mercedes-Benz Nürburg 460-ը, որը 8-մխոցանի շարժիչով էր հագեցած: Այս մոդելը իր դիրքերը ավտոշուկայում պահեց մինչև 2-րդ աշխարհամարտի սկիզբը՝ 1939թ:
Mercedes-Benz 770
Հսկայական չափերի այս մեքենան, որ բավականին հզոր՝ 7,7 լ ծավալով շարժիչ ուներ, մեծ հեղինակություն էր վայելում հատկապես բարձրաստիճան պաշտոնյաների, այսինքն ֆաշիստական վերնախավի շրջանում: Ադոլֆ Հիտլերը նույնպես Mercedes-Benz 770 -ով էր գերադասում շրջել: Վերջերս 9 միլիոն ֆունտով է վաճառվել հենց նրան պատկանած Mercedes-Benz 770-ը:
Mercedes-Benz 300
Արտադրման պահին Mercedes-Benz 300-ը սերիական արտադրության ամենաարագ գերմանական մոդելն էր: 3 լ ծավալ ունեցող շարժիչը ապահովում էր մինչև 160 կմ/ժ արագություն: Մեքենան բազմաթիվ առավելություններ ուներ այդ ժամանակահատվածում արտադրվող մյուս մոդելների նկատմամբ:
Mercedes-Benz 220
Գերմանական բրենդի հետպատերազմյան ծաղկման շրջանը սկսեց Mercedes-Benz 220-ը: Այս մոդելով Mercedes-ը վերադարձ կատարեց շքեղ մեքենաների արտադրությանը, որոնց մեջ ներդրեց տեխնոլոգիական մի շարք նորույթներ: Այս սերիայում, որ շուտով ՛՛S՛՛ անվանումը ստացավ, դեֆորմացիայի ենթարկվեցին մեքենայի դիմային և հետին հատվածները: Բացի այդ , ավելացան դիսկային արգելակներն ու կրկնակի արգելակման համակարգը, ավտոմատ փոխանցման տուփն ու վառելիքի ներմղման կարգավորվող համակարգը: Մեքենայի շքեղությունն ամբողջացնում էին նստատեղերի համար նախատեսված տաքացուցիչները:
Mercedes-Benz 600
Mercedes-Benz 600-ը ուղղակի մեքենա անվանելը սխալ կլինի, նման մեքենա ունենալ իրենց կարող էին թույլ տալ քիչ թվով մարդիկ, ովքեր թե՛ ապահովված պիտի լինեին, թե՛ բավականաչափ հեղինակություն պիտի վայելեին: Այն ուղղակի կատարյալ էր. դրա մասին են վկայում 6,3 լիտրանոց V8 շարժիչը, պնևմատիկ կախոցը, հիդրավլիկությունը և հսկայական անիվային բազան:
Mercedes-Benz 250S/300SEL
W108 и W109 սեդանները փոխարինելու եկան նախորդ մոդելին 1965թ: Այստեղ գործի էին դրվել բազմաթիվ նորամուծություններ: Ի դեպ, 300SEL-ը այն մոդելն էր, որը 1971թ. 24-ժամյա մրցավազքում 2-րդը տեղ հասավ՝ մեծ անհանգստություն պատճառելով Porsche 911-ին: 300SEL-ը ՛՛կարմիր վարազ՛՛ անվանումը ստացավ:
Mercedes-Benz S-Class (W116)
W116 թափքով նոր մոդելի արտադրությունը Mercedes-Benz-ը սկսեց 1978թ.: Այն համալրվեց ABS-ով , ինչն այդ ժամանակների համար մեծ ձեռքբերում էր, ղեկն առավել կառավարելի դարձավ, մեծացավ բենզաբաքի պաշտպանվածությունը: Նոր S-դասը հագեցած էր նաև կրուիզ-կոնտրոլ համակարգով ու ինքնակառավարվող կախոցով: Սա տուրբո դիզել ունեցող սերիական արտադրության 1-ին մեքենան էր:
Mercedes-Benz S-Class (W126)
1979թ. Mercedes-ը W126 մոդելում մետաղյա փայլուն բամպերները փոխարինեց պլաստիկայով: Նորույթների շարքը համալրեցին անվտանգության բարձիկները, փոքր-ինչ թեթևացած V8 շարժիչը, ամրացած թափքը, որն առավել ապահով էր դարձնում մեքենան:
Mercedes-Benz S-Class (W140)
Այս մոդելը ինքնատիպ էր նրանով, որ 1-ին անգամ S-դասի մեքնայի վրա տեղադրվեց V12 շարժիչ: Այն դարձավ ընկերության ամենահզոր ուղևորատար մեքենան, վաճառքում հայտնվեց 2 մոդելներով՝ 600 SE և 600 SEL: Մեքենան հագեցած էր ժամանակակից էլեկտրոնիկայի նորույթներով. ESP համակարգ, անմիջական արգելակման համակարգ, կայանման ցուցիչներ, նավիգացիոն համակարգ, ձայնային կառավարում, երկշերտ դիմային ապակիներ և այլն:
Mercedes-Benz S-Class (W220)
Նոր սերնդի S -դասի մեքենաներում թափքի ծանր մետաղական մասերը փոխարինվեցին ավելի թեթև ժամանակակից նյութերով, հիմանականում պլաստիկայով: Mercedes-ի հին մոդելների սիրահարների համար անթույլատրելի էր լյուքս դասի մեքենայի հետ նման կերպ վարվելը: Սակայն այլ փոփոխություններ նույնպես եղան. S-դասի 1-ին AMG մոդելը (S55 AMG) փոփոխություններ կրեց դիզայնում, որոնք առավել անվտանգ դարձրեցին մեքենան:
Նոր մոդելը ստացավ նաև թափքի ամբողջական կառավարում, հովացվող նստատեղեր և Keyless Access համակարգ:
Mercedes-Benz S-Class (W221)
W221 թափքով Mercedes-ը վստահորեն կարելի է հայտարարել լավագույն լյուքս սեդանը, որ այսօր կարելի է գնել ավտոշուկայում: Իհարկե շատ բան կփոխվի նոր սերնդի S-Class -ի թողարկումից հետո:
Չմոռանանք, որ հենց այն մոդելն է ստացել 1-ին վկայականը՝ բնապահպանական ստանդարտներին ամբողջությամբ համապատասխանելու վերաբերյալ:
Մեքենայի կոմպլեկտացիան ուղղակի հիասքանչ է. գիշերային տեսանելիության համակարգ, կայանմանը օժանդակող համակարգ, նախազգուշացնող արգելակման, հեռավորության վերահսկման (մինչև անգամ ավտոմատ արգելակման), ճանապարհային գծանշման հետևելուն վերահսկող և նույնիսկ արագությունը սահմանապակող համակարգեր:
Վերջին S-դասի Mercedes-ի պրեմիերան կկայանա մայիսի 15-ին Համբուրգում, այն կրում է W222 ինդեքսը:
Այլ նորություններ
|
Վիդեո
|
