Volkswagen-ի նորույթը Շանհայում. CrossBlue Coupe
Այսօր մեկնարկած Շանհայի ավտոցուցահանդեսում ներկայացված նորույթների մեջ առավել ուշագրավ է Volkswagen ընկերության նոր կոնցեպտը՝ CrossBlue Coupe կրոսսովերը: Այն իր տեքսով գրեթե կրկնում է Touareg և Tiguan մոդելներին: Կոնցեպտի երկարությունը 4 890 մմ է, լայնությունը՝ 2 014 և բարձրությունը՝ 1 679 մմ: Անիվային բազան 2 980 մմ է, իսկ անիվները զարդարում են 22 դյույմանոց անվահեծերը:
CrossBlue Сoupe-ի հզորությունն ապահովում են 2 էլեկտրոշարժիչները, իոնային մարտկոցները (9,8 կվտ), 6 աստիճան DSG ավտոմատ փոխանցման տուփը և 295 ձիաուժ V6 բենզինային շարժիչը: Այս բոլորը միասին 415 ձիաուժ հզորություն են հաղորդում մեքենային: 2,2 տոննա կշռող CrossBlue Coupe-ն 100 կմ/ժ -ի հասնում է 5,9 վայրկյանում, իսկ առավելագույն արագության սահմանը 237 կմ/ժ -ն է:
Վառելիքի միջին ծախսը 100 կմ-ի համար 3 լիտր է կազմում, ամբողջությամբ լիցքավորված բենզաբաքով (80լ) և մարտկոցներով կրոսսովերը 1 200 կմ կարող է ընթանալ: Միայն էլեկտրոշարժիչը 33 կմ ընթացք կապահովի մեքենայի համար, այս դեպքում արագությունը չի գերազանցի 120 կմ/ժ-ը: Իսկ մարտկոցների լիցքաթավելու դեպքում վառելիքի ծախսը 6,9 լ կկազմի 100 կմ-ի համար:
Սրահը նույնպես խիստ գրավիչ է, այստեղ պահպանվում է VW մոդելներին բնորոշ ոճը, սակայն տեխնիկապես ավելի հագեցած է: 5 տեղանի սրահը արված է բարձրակարգ կաշվով, ինտերիերի կենտրոնական մասն է կազմում 10,1 դյույմանոց սենսորային էկրանը, որը հնարավորություն է տալիս հեշտությամբ օգտվել մուլտիմեդիոն գործառույթներից, ինչպես նաև կառավարել մեքենայի բոլոր համակարգերը: Ետևի ուղևորների համար առաջարկվում են iPad Mini պլանշետները, որոնք տեղադրված են առջևի նստարանների հետևի կողմում:
Հավանաբար 1 տարվա ընթացքում Coupe-ն հկայտնվի վաճառքում, սակայն գնի մասին դեռևս ոչինչ պարզ չէ:
Այլ նորություններ
|
Վիդեո
|
