Ներկայացվել է Mercedes-ի ամենափոքր կրոսսովերը . GLA
Mercedes-Benz-ը հրապարակել է GLA նոր կոնցեպտի 1-ին լուսանկարները, որը պաշտոնապես հանրությանը կներկայացվի այս շաբաթվա վերջում Շանհայի ավտոցուցահանդեսում: Այս կոնցեպտի հիմքի վրա էլ կպատրաստվի ու սերիական արտադրության կդրվի GLA կրոսսովերը, որը վաճառքում կհայտնվի 2014թ. սկզբից:
Այս նոր մոդելը բավականին մոտ է A- դասին, անիվային բազան նրանց մոտ նույնն է՝ 2 699 մմ, սակայն չափերով ավելի խոշոր է, երկարությունը 4380 մմ է, լայնությունը ՝ 1800: Արտաքին չափերով այն շատ քիչ է զիջում Audi Q3-ին և BMW X1-ին, որոնց պոտենցիալ մրցակիցն է հավակնում դառնալ: Սրահն այդքան էլ ընդարձակ չէ, սակայն ետևի նստարանին կտեղավորվեն նաև մեծահասակները:
Որոշ տեղեկությունների համաձայն, GLA մոդելի շարժիչային շարքը կազմված կլինի 4-մխոցանի բենզինային և դիզելային շարժիչներից, որոնք 110-ից 220 ձիաուժ կապահովեն: Բացի այդ, նոր կրոսսովերը կունենա նաև AMG ինդեքսը կրող ՛՛լիցքավորված՛՛ տարբերակ, որի 2 լիտրանոց տուրբո-շարժիչը 354 ձիաուժ հզորությամբ կլինի:
 
Այլ նորություններ
|
Վիդեո
|
