Auto Shanghai 2013
Մի քանի օրից կմեկնարկի ավտոաշխարհի ամենաազդեցիկ ցուցահանդեսներից մեկը ՝ Auto Shanghai 2013 -ը: Ցուցադրությունը տեղի կունենա Շանհայի ամենախոշոր ու ժամանակակից տեխնոլոգիաներով հագեցած ցուցասրահում ՝ Shanghai New International Expo Centre-ում (SNIEC), ապրիլի 20-ից մինչև 29-ը: 1-ին օրը նախատեսված է լրատվամիջոցների համար, հաջորդ 2 օրերին՝ ապրիլի 21 և 22-ին, մուտքը բաց կլինի միայն հատուկ հյուրերի և հայտնի անձանց համար, իսկ 23-29-ը արդեն ցուցահանդեսին կարող են ներկա գտնվել բոլոր ցանկացողները:
Ցուցահանդեսը հիմնադրվել է 1985թ. և 25 տարվա ընթացքում մեծ հեղինակություն է ձեռք բերել՝ շնորհիվ զարգացման շատ արագ ու դինամիկ տեմպերի : 1985թ. 1-ին Shanghai Auto Show -ն հավաքել է 75 նմուշ, իսկ 2011թ. 14-րդ ցուցադրության ժամանակ ներկայացվել է 1500 մոդել ՝ 25 երկրներից: Auto Shanghai 2013 -ը կզբաղեցնի շուրջ 280 000 մ2 տարածք, այսինքն բոլոր 17 տաղավարները (2011թ. օգտագործվել են 13-ը): Նախատեսվում է, որ այցելուների թիվը կանցնի 800 000-ը:
Շանհայի ցուցահանդեսում բացի ավտոմեքենաներից կներկայացվեն նաև ուղևորային ավտոտրանսպորտ, կոմերցիոն և հատուկ տրանսպորտ, պահեստամասեր և աքսեսուարներ, ավտոարդյունաբերության համար նախատեսված հաստոցներ ու գործիքներ, անվադողեր, մարտկոցներ, յուղեր, ավտոսպասարկման համար նախատեսված սարքավորումներ և ամենատարբեր այլ սարքեր ու միջոցներ, որոնք առնչվում են մեքենաներին:
Չինական հսկայական ավտոշուկան առաջադեմ շատ արտադրողների է հետաքրքրում, ուստի մեծ թվով համաշխարհային նորույթներ են ներկայացվելու այստեղ, իսկ տեղական արտադրության նորույթներն անհաշիվ են:
Bugatti Veyron Grand Sport Vitesse World Record Car Edition (400 ձիաուժ հզորություն, 375 կմ/ժ արագություն)
BMW X4
Citroen DS Wild Ribus
Citroen C4
Audi S3
Icona Vulcano
Maserati Ghibli
MG CS
Mitsubishi G4
Porsche Panamera
Qoros 3 Sedan
Skoda Superb
Geely Emgrand
Great Wall Hover 7
FAW-Besturn X80
Honda Crider
Mercedes-Benz GLA
Այլ նորություններ
|
Վիդեո
|
