Rolls-Royce-ը պատրաստվում է ամենագնաց թողարկել
Rolls-Royce ընկերության ղեկավարությունը վերջին օրերին քննարկում է 2 նախագիծ՝ նոր մոդելների արտադրության վերաբերյալ: Դրանցից առաջինը և իրականացման ճանապարհին ավելի մոտ կանգնածը կաբրիոլետն է, որը մտադիր են թողարկել Wraith կուպեի բազայի վրա: Նման ավտոմեքենայի համար նախատեսվում է 6,6 լիտրանոց V12 twin-turbo շարժիչ, որը 632 ձիաուժ հզորություն կապահովի: Ամենայն հավանականությամբ, կաբրիոլետը կարժանանա ղեկավարության հավանությանը ու կթողարկվի արդեն 2015թ:
Մյուս նորույթը, որ Rolls-Royce-ը մտադիր է արտադրել, լիաքարշակ ամենագնացն է կամ հեչբեքը: Խոսակցություններ են պտտվում այն մասին, որ ղեկավարները 2 տարբերակն էլ քննարկում են: Ամենագնացի հիմքը հավանաբար BMW X5-ի պլատֆորմի վրա կդրվի, իսկ հեչբեքը՝ 7-րդ սերիայի BMW-ի :
Թե այս 2 նախագծերից ո՞րը կհաստատվի, դեռևս պարզ չէ: Հայտնի է միայն, որ հաստատված տարբերակը 2016թ-ից շուտ չի թողարկվի:
Ընկերության ղեկավար Տորստեն Մյուլլեր-Օվտոսը լրագրողների հետ հանդիպման ժամանակ հայտնել է, որ Rolls-Royce-ը չի պատրաստվում արագացնել նոր մոդելի թողարկումը, և որ Ժնևում ներկայացված Wraith կուպեն ընկերության վերջին նորույթը կմնա առաջիկա 2 տարիների ընթացքում:
Այլ նորություններ
|
Վիդեո
|
